Articles by "Nawab Malik"
Showing posts with label Nawab Malik. Show all posts

Posted at 0

پارٹی انڈرورلڈ گینگسٹر داؤد ابراہیم سے جڑے کسی شخص کو ٹکٹ دینا قبول نہیں کرے گی

بی جے پی نے پیر کو کہا کہ وہ اسمبلی انتخابات کے لئے این سی پی (اجیت پوار) لیڈر نواب ملک کی امیدواری کی مخالفت کرے گی۔ نواب ملک ممبئی جنوبی وسطی پارلیمانی حلقہ کے انوشکتی نگر سے موجودہ ایم ایل اے ہیں۔ خبروں کے مطابق، اس بار وہ مانخورد شیواجی نگر سے الیکشن لڑنا چاہتے ہیں اور انوشکتی نگر حلقہ سے اپنی بیٹی ثناء کو امیدوار بنانا چاہتے ہیں، جو انتخابی سیاست میں قدم رکھنے کا ارادہ رکھتی ہیں۔

لارینس بشنوئی کا انکاؤنٹر کرنے والے افسر کو ایک کروڑ کا انعام، کرنی سینا صدر کا اعلان

ملک خاندان نے فری پریس جرنل کو بتایا کہ وہ انتخابات کے لیے تیار ہیں اور پارٹی کے باضابطہ اعلان کا انتظار کر رہے ہیں۔ بی جے پی ممبئی کے صدر اور باندرہ (ویسٹ) کے ایم ایل اے آشیش شیلار نے پیر کو فری پریس جرنل کو بتایا کہ ان کی پارٹی انڈرورلڈ گینگسٹر داؤد ابراہیم سے جڑے کسی شخص کو ٹکٹ دینا قبول نہیں کرے گی۔

ملک اس سے پہلے مہا وکاس اگھاڑی حکومت میں بحیثیت وزیر خدمات انجام دے چکے ہیں۔ انہیں 2022 میں این آئی اے نے داؤد اور اس کے ساتھیوں بشمول چھوٹا شکیل اور ٹیگر میمن کے خلاف درج ایک معاملے میں گرفتار کیا تھا۔ ملک کو اس سال جولائی میں طبی بنیادوں پر ضمانت دی گئی تھی۔ این سی پی کی تقسیم کے بعد مہایوتی حلیف بی جے پی کے اعتراضات کے باوجود نائب وزیر اعلی اجیت پوار کی زیر قیادت گروہ نے نواب ملک کو اپنے ساتھ لیا تھا. 

ڈپٹی چیف منسٹر دیویندر فڈنویس نے پوار کو خط لکھ کر ملک کو اپنے گروہ میں شامل نہ کرنے کی اپیل کی تھی۔ تاہم پوار نے اس خط کو نظر انداز کرتے ہوئے ملک کو اپنے کیمپ میں خوش آمدید کہا۔

Continue reading

Posted at 0

نواب ملک، ابو عاصم اعظمی کے خلاف مانخورد شیواجی نگر سے الیکشن لڑنا چاہتے ہیں

انوشکتی نگر اسمبلی حلقہ (نمبر 172) جس میں چیتا کیمپ، ٹرامبے، دیونار، مانخورد اور مہاراشٹر نگر جیسے علاقے شامل ہیں، کئی لحاظ سے پڑوسی مانخورد-شیواجی نگر سے ملتے جلتے ہیں۔ اس حلقے میں مسلم رائے دہندگان کی ایک بڑی تعداد ہے اور آبادی کی اکثریت کچی آبادیوں میں رہتی ہے۔ حالانکہ، انوشکتی نگر میں بہت سے متوسط طبقے کے ووٹر بھی ہیں، جن میں سرکاری ملازمین اور سائنس دان بھی شامل ہیں، جو ہاؤسنگ کالونیوں میں رہتے ہیں۔ یہاں بلند و بالا رہائشی عمارتیں ہیں اور اس علاقے میں بھارت کے اہم جوہری تحقیقی اداروں میں سے ایک، بھابھا اٹامک ریسرچ سینٹر بھی واقع ہے۔

2019 کے ودھان سبھا انتخابات میں نیشنلسٹ کانگریس پارٹی کے نواب ملک نے 65،217 ووٹوں کے ساتھ اس نشست پر کامیابی حاصل کی تھی ، انہوں نے غیر منقسم شیوسینا کے اپنے حریف تکارام کاٹے کو شکست دی تھی جنہوں نے 52،466 ووٹ حاصل کیے تھے۔ کاٹے نے 2014 میں یہ سیٹ جیتی تھی اور 2009 میں یہ سیٹ جیتنے والے نواب ملک کو شکست دی تھی۔ میڈیا رپورٹس کے مطابق نواب ملک اس بار مانخورد شیواجی نگر سے الیکشن لڑنا چاہتے ہیں اور انوشکتی نگر حلقہ سے اپنی بیٹی ثنا ملک کو امیدوار بنانا چاہتے ہیں جو انتخابی سیاست میں قدم رکھنے کا ارادہ رکھتی ہیں۔

ملک انفورسمنٹ ڈائریکٹوریٹ کے ذریعہ منی لانڈرنگ کے الزام میں زیر تفتیش ہیں۔ انہوں نے الزامات سے انکار کیا تھا اور فی الحال ضمانت پر ہیں۔ ایسی اطلاعات ہیں کہ ملک کے مانخورد شیواجی نگر میں انتخابی میدان میں اترنے کے منصوبے نے سماج وادی پارٹی کو پریشان کر دیا ہے، ابو عاصم اعظمی، جو تین بار قانون ساز اسمبلی کے رکن رہ چکے ہیں، چوتھی مدت کے لیے انتخاب لڑ رہے ہیں۔ اس بات کے اشارے مل رہے ہیں کہ سماج وادی پارٹی انوشکتی نگر میں اپنا امیدوار کھڑا کرے گی۔

تاہم، ملک کی بیٹی، ثنا، اس حلقے کا ایک جانا پہچانا چہرہ ہیں، جب ان کے والد جیل میں تھے تو وہ اس علاقے کا دورہ کرتی رہی ہیں۔ نواب ملک جو اب این سی پی اجیت پوار کے ساتھ ہیں، نے کہا کہ میری غیر موجودگی میں ثناء حلقے کی دیکھ بھال کر رہی تھیں۔ لوگ مطالبہ کر رہے ہیں کہ انہیں ان کی نمائندگی کرنی چاہیے. 

ملک کو 2022 میں گرفتار کیا گیا تھا اور اس سال جولائی میں انہیں طبی بنیادوں پر ضمانت دی گئی تھی۔ انہوں نے اس معاملے پر کوئی تبصرہ نہیں کیا اور وضاحت کی کہ یہ معاملہ عدالت میں زیر سماعت ہے۔ مانخورد شیواجی نگر سے امیدواری کی خبروں کے بارے میں پوچھے جانے پر ملک نے کہا، 'شیواجی نگر کے لوگ تبدیلی چاہتے ہیں، لیکن میں یہ فیصلہ اپنی پارٹی پر چھوڑوں گا کہ مجھے وہاں سے الیکشن لڑنا چاہیے یا نہیں۔

Continue reading

Posted at 0

عدالت نے ای ڈی کو 15 جولائی تک ملک کی درخواست پر جواب داخل کرنے کی ہدایت دی

منی لانڈرنگ کیس میں گرفتار
این سی پی لیڈر اور مہاراشٹر کے سابق وزیر نواب ملک نے منگل کو یہاں ایک خصوصی عدالت میں ضمانت کی درخواست دائر کی۔
فروری میں ان کی گرفتاری کے بعد یہ ان کی پہلی باقاعدہ ضمانت کی درخواست ہے جو کیس کے میرٹ پر دائر کی گئی ہے. عدالت نے انفورسمنٹ ڈائریکٹوریٹ(ای ڈی) سے کہا ہے کہ وہ 15 جولائی تک اس درخواست پر اپنا جواب داخل کرے۔

یہ بھی پڑھیں :.... مالیگاؤں تشدد معاملہ: ہائی کورٹ میں دائر درخواست ضمانت پر 13 جولائی کو سماعت
قبل ازیں خصوصی جج آر این روکڈے نے ان کی عبوری ضمانت مسترد کر دی تھی، جو طبی بنیادوں پر دائر کی گئی تھی۔ عدالت نے مہاراشٹرا میں حال ہی میں ہونے والے راجیہ سبھا انتخابات میں ووٹ ڈالنے کے لیے انہیں ایک دن کی ضمانت دینے سے بھی انکار کر دیا تھا۔
ملک، جو اس وقت عدالتی حراست میں ہیں انہیں 23 فروری کو منی لانڈرنگ روک تھام ایکٹ (PMLA) کی دفعات کے تحت ED نے مفرور گینگسٹر داؤد ابراہیم اور اس کے معاونین کی سرگرمیوں سے منسلک تحقیقات کے سلسلے میں گرفتار کیا تھا۔


Continue reading

Posted at 0
ہر مسلمان سماجی کارکن کو ڈی کمپنی سے جوڑا جارہا ہے، یہ بحیثیت مسلمان ہمارے ساتھ ناانصافی ہے: نیلوفر


مہاراشٹر مہاوکاس اگھاڑی حکومت کے وزیر برائے اقلیتی امور نواب ملک کو منی لانڈرنگ معاملے میں انفورسمنٹ ڈائریکٹوریٹ(ای ڈی) کے ذریعے گرفتار کئے جانے کے بعد ان کی بیٹی نیلوفر ملک نے کہا کہ راشٹریہ وادی کانگریس پارٹی لیڈر نواب ملک بے خوف بولتے تھے اس لئے مرکزی تفتیشی ایجنسیاں ان کے خاندان کے پیچھے پڑ گئی ہیں.

یہ بھی پڑھیں:... تین دیسی پستول اور 12 زندہ کارتوس کے ساتھ دو افراد گرفتار
نیلوفر نے خبر رساں ادارے اے این آئی کو بتایا کہ ہم گذشتہ تین چار ماہ سے سن رہے تھے کہ ای ڈی ہمارے گھر آئے گی. ہمارے والد نے ہمیں محتاط رہنے کے لئے کہا تھا ہم نے سب کچھ صحیح کیا ہے. نیلوفر نے مزید کہا کہ میرے والد بے خوف ہوکر بولا کرتے تھے اسلئے ای ڈی اور این سی بی ہمارے پیچھے پڑ گئی.
انہوں نے کہا کہ مجھے یقین ہے کہ میرے والد جلد باہر آجائیں گے یہ قانونی لڑائی ہے اور ہم لڑیں گے. ہر مسلمان جو عوام میں سماجی کارکن کے طور ہر کام کرتا ہے اسے ڈی کمپنی سے جوڑا جارہا ہے. مسلمان ہونے کی وجہ سے یہ ہمارے ساتھ بہت غلط ہورہا ہے. ممبئی کی خصوصی پی ایم ایل اے عدالت نے بدھ کے روز داؤد ابراہیم سے تعلق اور منی لانڈرنگ معاملے میں نواب ملک کو 3 مارچ تک ای ڈی کی تحویل میں دینے کا فیصلہ سنایا تھا. ذرائع کے مطابق ملک تفتیش میں تعاون نہیں کررہے تھے. ملک نے کہا کہ وہ خوفزدہ نہیں ہیں، وہ لڑیں گے اور جیتیں گے.

Continue reading

Posted at 0

انڈرورلڈ کی سرگرمیوں سے متعلق منی لانڈرنگ کیس میں پوچھ تاچھ کے بعد ای ڈی نے حراست میں لیا

انفورسمنٹ ڈائریکٹوریٹ (ای ڈی) نے بدھ کے روز مہاراشٹر کے وزیر نواب ملک کو ممبئی انڈر ورلڈ کی سرگرمیوں سے متعلق منی لانڈرنگ کیس میں گرفتار کیا۔ این سی پی لیڈر نواب ملک سے ای ڈی نے صبح پوچھ گچھ کی۔ جس کے بعد انہیں گرفتار کر لیا گیا۔ گرفتاری کے بعد نواب ملک نے کہا کہ میں لڑوں گا، ڈروں گا نہیں۔گرفتاری سے قبل ای ڈی اہلکار نے بتایا کہ نیشنلسٹ کانگریس پارٹی کے 62 سالہ رہنما نواب ملک صبح 8 بجے بلارڈ اسٹیٹ علاقے میں واقع ای ڈی کے دفتر پہنچے اور ایجنسی 'پریوینشن آف منی لانڈرنگ ایکٹ' (PMLA) کے تحت اپنا بیان ریکارڈ کر رہی ہے۔

Continue reading

Posted at 0

کانگریس کو باہر رکھ کر بی جے پی کے خلاف تیسرے محاذ کی تشکیل ناممکن ہے: نواب ملک

مغربی بنگال کی وزیر اعلی اور ترنمول کانگریس سربراہ ممتا بنرجی آج سے دو روزہ ممبئی دورے پر ہیں۔ ممتا کے اس دورے کے بعد ایک مرتبہ پھر بی جے پی مخالف تیسرے محاذ کی قیاس آرائیاں کی جارہی ہیں۔ آج ممتا بنرجی ممبئی میں شرد پوار سے ملاقات کریں گی۔ شرد پوار سے ملاقات کو لے کر سیاسی حلقوں میں ایسی خبریں بھی گشت کررہی ہیں کہ ممتا بنرجی کانگریس سے دوری بناتے ہوئے مقامی جماعتوں کو متحد کرنے کی کوشش کررہی ہیں۔

یہ بھی پڑھیں:۔۔۔کنگنا رناوت کو جان سے مارنے کی دھمکی، ایف آئی آر درج-Registered.html

انڈین ایکسپریس کی رپورٹ کے مطابق مہاراشٹر کے وزیر برائے اقلیتی امور نواب ملک نے منگل کے روز اس بات کی تصدیق کی کہ ممتا بنرجی بدھ کے روز این سی پی سربراہ شرد پوار سے ملاقات کریں گی۔رپورٹ کے مطابق ملک نے کہا کہ ممتا دیدی مہاراشٹر کے دورے پر ہیں اور کل دوپہر(بدھ) 3 بجے پوار صاحب سے ملاقات کریں گی۔حالانکہ ملک نے ممتا کے اس دورے سے متعلق کہا کہ وہ شرد پوار سے ملاقات کے بعد میڈیا سے بات کریں گی اور میٹنگ سے متعلق گفتگو کریں گی۔

ایک سوال کے جواب میں ملک نے کہا کہ ہر پارٹی کو اپنی ساکھ بحال کرنے کی کوشش کرنی چاہیے لیکن کانگریس کو باہر رکھ کر بی جے پی کے حریفوں کو متحد کرپانا ناممکن ہے۔انہوں نے کہا کہ مغربی بنگال کے باہر بھی ترنمول کانگریس وسعت پارہی ہے اور یہ ہر سیاسی جماعت کا حق ہے۔حالانکہ ہم مانتے ہیں کہ کانگتیس کو چھوڑ کر ایک متحدہ اپوزیشن محاذ بنانا ممکن نہیں ہے۔پوار صاحب بھی کئی مرتبہ اس کی وضاحت کرچکے ہیں۔

Continue reading

Posted at 0

فڑنویس پر اپنے دورِ اقتدار میں جعلی نوٹ ریکیٹ چلانے والوں کو تحفظ فراہم کئے جانے کا الزام

ممبئی میں کروز ڈرگس معاملہ میں نواب ملک سمیر وانکھیڈے کو مسلسل نشانہ بنا رہے ہیں۔آج پریس کانفرنس کے دوران سابق وزیراعلی دیویندر فڑنویس ان کے نشانے پر تھے۔ ملک نے کہا کہ فڑنویس کی حکومت میں جعلی نوٹ ریکیٹ چلانے والوں کو تحفظ فراہم کیا گیا تھا۔ان لوگوں کے تار داؤد سے بھی جڑے ہوئے تھے۔

ملک کے اس الزام پر فڑنویس نے ردعمل ظاہر کرتے ہوئے ٹوئیٹر پر برنارڈ شا کا قول نقل کیا اور کہا کہ کیچڑ میں پتھر نہیں پھینکنا چاہیے۔بی جے پی کے سینئرلیڈر اشیش شیلار نے نواب ملک کے الزامات کا جواب دیتے ہوئے ایک پریس کانفرنس میں کہا کہ ہائیڈروجن بم پھوڑنے کی بات کرکے نواب ملک نے مرچی پٹاخے سے پانے ہاتھ جلا لئے ہیں۔

 یہ بھی پڑھیں:۔۔۔سمیر وانکھیڈے کے اہل خانہ کی گورنر بھگت سنگھ کوشیاری سے ملاقات_0483452012.html

نواب ملک کے تمام الزامات کا تعلق دیویندر فڑنویس سے اس طرح کا ہے جیسے اکبر بیربل کی کہانی میں بیربل نے نیچے آگ رکھ کر اوپر کھچڑی پکائی تھی۔ نواب ملک کا الزام تھا کہ پارٹی میں غنڈوں کو جگہ دی، انہیں اعلی عہدے دیئے گئے۔ انہوں نے کہا کہ ہاں یہ سچ ہے کہ منّا یادو، حاجی حیدو اور حاجی عرفات پارٹی کے اراکین ہیں۔ انہیں عہدہ دیا گیا لیکن ان پر ایک بھی الزام نہیں ہے اس بات کا یقین کرنے کے بعد انہیں عہدہ دیا گیا تھا۔ جعلی نوٹ معاملہ آئی ایس آئی، پاکستان اور بنگلہ دیش سے جڑا ہوا تھا۔ممبئی سے عمران عالم شیخ اور پونے سے ریاض شیخ کے علاوہ نئی ممبئی سے بھی ایک گرفتاری ہوئی تھی۔لیکن 14 کروڑ 56 لاکھ کی ضبطی کو 8 کروڑ 80 لاکھ بتا کر معاملہ دبا دیا گیا۔ملک نے کہا کہ ہم جس افسر پر الزامات لگا رہے ہیں اسے بچانے کی کوشش ہورہی ہے کیونکہ فڑنویس جی کے اس افسر سے پرانے تعلقات ہیں۔ 2008 میں کوئی افسر ملازمت پر آتا ہے، اور 14 سال سے ممبئی چھوڑتا ہی نہیں اس کے پیچھے کیا راز ہے؟

جعلی نوٹ معاملہ کے ملزم عمران عالم شیخ کو 6 ماہ بعد مائناریٹی کمیشن کا چیئرمن بنایا گیا۔ملک سوال کیا کہ فڑنویس جی آپ دوسروں پر انڈرورلڈ سے تعلق ہونے کے الزامات لگا رہے ہو، ہم آپ سے پوچھنا چاہتے ہیں کہ سارے انڈرورلڈ کے لوگ، جو انڈرورلڈ کے رابطہ میں ہیں، مجرمین و ملزمین ہیں، آپ نے وزیراعلی رہتے ہوئے ان تمام لوگوں کو سرکاری بورڈ اور سرکاری کمیشن کا صدر کیوں بنایا؟ 

اس سے قبل فڑنویس نے منگل کے روز کچھ کاغذات دکھاتے ہوئے دعوی کیا تھا کہ 16 سال قبل ملک نے ایل بی ایس روڈ پر داؤد کے غنڈوں سے ساڑھے تین کروڑ کی زمین 20 لاکھ روپے میں خریدی تھی۔فڑنویس نے کہا کہ کرلا میں تین ایکڑ زمین کی ایک رجسٹری سیلِڈس کمپنی کے نام پر ہوئی جو نواب ملک کے خاندان کی ہے۔ یہ زمین 1993 بم بلاسٹ کیس میں عمر قید کی سزا پانے والے سردار ولی خان اور داؤد ابراہیم کی بہن حسینہ پارکر کے قریبی سلیم پٹیل سے خریدی گئی۔ رجسٹری پر نواب ملک کے بیٹے فراز ملک نے دستخط کئے ہیں۔

فڑنویس نے کہا کہ تفتیشی ایجنسی کو کاغذات مہیا کرائے جائیں گے اور اس کی ایک کاپی این سی پی سربراہ شرد پوار کو بھیجیں گے۔فڑنویس کے الزامات کو بے بنیاد بتاتے ہوئے ملک نے کہا جس زمین کا ذکر ہورہا ہے وہاں ان کا خاندان پہلے سے کرایہ دار تھا بعد میں اس کا مالکانہ حق لیا گیا۔ زمین بنیادی طور پر منیرا پٹیل کی ملکیت ہے  اس نے اپنی زمین کی پاور آف اٹارنی سلیم پٹیل کو دی تھی۔

Continue reading

Posted at 0

نواب ملک پر ایس سی، ایس ٹی ایکٹ کے تحت اوشیوارہ پولیس میں شکایت درج، ایف آئی آر درج کرنے کا مطالبہ

نارکوٹکس کنٹرول بیورو ممبئی زون کے ڈائریکٹر سمیر وانکھیڈے کے اہل خانہ نے منگل کے روز مہاراشٹر کے گورنر بھگت سنگھ کوشیاری سے ملاقات کی۔ سمیر وانکھیڈے کے والد، ان کی بہن اور بیوی شام پانچ بجے روج بھون پہنچے اور گورنر سے تقریبا دو گھنٹے تک گفتگو کی۔گورنر سے ملاقات کے بعد سمیر کے والد نے کہا کہ میں نے اپنی بہو اور بیٹی کے ساتھ گورنر سے ملاقات کی۔ ہم نے انہیں میمورنڈم دیا ہے اور انہوں نے یقین دلایا ہے کہ سب کچھ ٹھیک ہوجائے گا۔ سمیر وانکھیڈے کی بیوی کرانتی وانکھیڈے نے کہا کہ ہم نے گورنر کو سب کچھ بتایا ہے جو گذشتہ کچھ روز میں ہمارے ساتھ ہوا ہے۔ایسا نہیں تھا کہ ہم ان کے پاس شکایت لے کر گئے تھے ہم ان سے صرف اتنا کہا کہ یہ سچائی کی لڑائی ہے اور ہم لڑنے جارہے ہیں بس ہمیں طاقت چاہیے۔گورنر کوشیاری نے ہمیں ہمت دی اور یقین دلایا ہے۔
اسی درمیان نواب ملک سمیر وانکھیڈے پر نت نئے الزامات لگا رہے ہیں۔اب وانکھیڈے خاندان نے ان پر جوابی حملہ کرتے ہوئے ایس سی\ایس ٹی ایکٹ کے تحت شکایت درج کروائی ہے۔اس کے ساتھ ہی نواب ملک پر ایف آئی آر درج کرانے کا مطالبہ بھی کیا گیا ہے۔اس سے قبل وانکھیڈے کے اہل خانہ نے نواب ملک پر 100 کروڑ روپے کا ہتک عزت کا مقدمہ دائر کیا تھا۔اس پر آج (منگل) کو نواب ملک کو جواب داخل کرنا تھا۔
سمیر وانکھیڈے کے والد نے اوشیوارہ کے اے سی پی کے پاس نواب ملک کے خلاف ایس سی، ایس ٹی ایکٹ کے تحت ان کے اہل خانہ کی ذات سے متعلق جھوٹے الزامات لگانے کی شکایت درج کروائی ہے۔وانکھیڈے فیمیلی کا مطالبہ ہے کہ نواب ملک کے خلاف ایف آئی آر درج کی جائے۔
واضح رہے کہ ممبئی کے کروز ڈرگس معاملہ کی تفتیش کررہی این سی بی دہلی کی ٹیم کی قیادت کرنے والے ڈی ڈی جی نیانیشور سنگھ نے منگل کے روز ممبئی کے پولیس کمشنر ہیمنت ناگرالے سے ملاقات، انہوں نے آرین خان اور سمیر وانکھیڈے سے متعلق معاملات کی تفتیش میں ناگرالے سے مدد طلب کی ہے۔نیانیشور سنگھ نے سی سی ٹی وی فوٹیج پر ناگرالے سے تبادلۂ خیال کیا۔ انہوں نے بتایا کہ ہم پیر کے روز کچھ مقامات پر گئے تھے، پربھاکر سیل سے بھی پوچھ تاچھ کی گئی آج بھی ہم اس سے تفتیش کررہے ہیں۔ آئندہ کچھ دنوں میں مزید دو گواہوں سے سوالات کئے جائیں گے۔
Continue reading

Posted at 0

جیل میں ڈالنے والا اب خود جیل جانے سے ڈرنے لگا ہے، اس نے کوئی غلط کام ضرور کیا ہوگا اسلئے کارروائی سے خوفزدہ ہے: نواب ملک
کروز منشیات معاملے میں شاہ رخ خان کے بیٹے آرین خان کی ضمانت منظور ہوجانے کے بعد این سی پی ترجمان نواب ملک نے سوشل میڈیا پر اپنا ردعمل ظاہر کیا ہے۔نواب ملک نے شاہ رخ خان کی فلم اوم شانتی اوم کا ڈائیلاگ "پکچر ابھی باقی ہے میرے دوست" پوسٹ کیا ہے۔نواب ملک اس معاملے سے ابتداء سے ہی منسلک رہے ہیں انہوں نے کئی مرتبہ یہ بھی کہا کہ یہ کیس فرضی اور بناوٹی ہے۔انہوں نے کہا کہ آرین کو پہلے ہی ضمانت مل جانی چاہیے تھی۔وانکھیڈے کا فرضی کھیل سامنے آرہا ہے، انہیں چھٹی پر بھیج دینا چاہیے ان کے چہرے سے نقاب اتر چکا ہے۔
نواب ملک نے ایک بیان میں کہ جس طرح کا فرضی معاملہ بنایا گیا ایسے میں قلعہ کورٹ میں پہلے ہی ان کی ضمانت ہوسکتی تھی۔لیکن این سی بی نے ہمیشہ اپنے وکلاء کے ذریعے اپنا کردار تبدیل کیا ہے۔ہمیں لگتا ہے کہ یہ معاملہ فرضی ہے اور آنے والے وقت میں اس معاملے میں دیگر ملزمین کو بھی ضمانت مل جائے گی۔
ملک نے مزید کہا کہ جیل میں ڈالنے والا اب خود جیل جانے سے ڈرنے لگا ہے۔وہ اب ممبئی ہائی کورٹ میں جاکر ممبئی پولیس کے خلاف عدم اطمنان ظاہر کررہا ہے۔اس نے ضرور کچھ غلط کیا ہوگا اسی لئے اپ ے خلاف کارروائی سے خوفزدہ ہے۔انہوں نے مزید کہا کہ ممبئی پولیس نے بامبے ہائی کورٹ کو مطلع کیا ہے کہ اگر وہ ایسی کوئی کارروائی کرنے کا ارادہ رکھتے ہیں تو وہ 72 گھنٹہ پہلے ان کی گرفتاری کا نوٹس جاری کریں گے۔میں اپنی پہلی رائے کو دہراتا ہوں کہ یہ منشیات معاملہ فرضی ہے بچوں کو جان بوجھ کر پھنسایا گیا ہے۔
Continue reading
Subscribe to: Posts (Atom)