کنگنا رناوت کو جان سے مارنے کی دھمکی، ایف آئی آر درج

ممبئی دہشت گردانہ حملوں کے شہداء کو یاد کرتے ہوئے ایک پوسٹ شیئر کرنے کے بعد بھٹنڈا کے نوجوان نے کنگنا کو جان سے مارنے کی دھمکی دی

فلم اداکارہ کنگنا راناوت نے ہماچل پردیش پولیس میں شکایت درج کراتے ہوئے کہا کہ انہیں جان سے مارنے کی دھمکیاں مل رہی ہیں۔ پولیس نے اس سلسلہ میں معاملہ درج کرلیا ہے۔

یہ بھی پڑھیں:۔۔۔حکومت کا پندرہ اگست سے ۵-جی خدمات کے آغاز کا منصوبہ

 پولیس سپرنٹنڈنٹ گرودیو شرما نے کہا کہ اداکارہ کو حالانکہ وائے پلس زمرہ میں سیکورٹی ملی ہوئی ہے لیکن پولیس مستعد ہوگئی ہے۔ اداکارہ نے آج صبح انسٹاگرام پوسٹ میں بتایا کہ انہوں نے آج ممبئی دہشت گردانہ حملے میں شہداء کو   یاد کرتے ہوئے ایک پوسٹ لکھی تھ  جس کے بعد انہیں بھٹنڈا سے کسی شخص نے جان سے مارنے کی دھمکی دی ہے۔ کنگنا نے سورن مندر میں اپنے اہلخانہ کیساتھ تصویر شیئر کرتے ہوئے ایک پوسٹ میں لکھا تھا کہ غداروں کو کبھی معاف نہیں کرنا اور نہ ہی بھولنا۔

اس طرح کے واقعہ میں ملک کے اندرونی غداروں کا ہاتھ ہوتا ہے۔ غدار کبھی پیسے کے لالچ میں تو کبھی عہدہ اور اقتدار کے لالچ میں بھارت ماں کو داغدار کرنے کا موقع نہیں چھوڑتے، ملک کے اندرونی غدار، سازشی ملک مخالف طاقتوں کی مدد کرتے رہے، اسی لئے اس طرح کے واقعات ہوتے ہیں۔