آرین خان کی ضمانت پر نواب ملک نے کہا پکچر ابھی باقی ہے مرے دوست

جیل میں ڈالنے والا اب خود جیل جانے سے ڈرنے لگا ہے، اس نے کوئی غلط کام ضرور کیا ہوگا اسلئے کارروائی سے خوفزدہ ہے: نواب ملک

کروز منشیات معاملے میں شاہ رخ خان کے بیٹے آرین خان کی ضمانت منظور ہوجانے کے بعد این سی پی ترجمان نواب ملک نے سوشل میڈیا پر اپنا ردعمل ظاہر کیا ہے۔نواب ملک نے شاہ رخ خان کی فلم اوم شانتی اوم کا ڈائیلاگ "پکچر ابھی باقی ہے میرے دوست" پوسٹ کیا ہے۔نواب ملک اس معاملے سے ابتداء سے ہی منسلک رہے ہیں انہوں نے کئی مرتبہ یہ بھی کہا کہ یہ کیس فرضی اور بناوٹی ہے۔انہوں نے کہا کہ آرین کو پہلے ہی ضمانت مل جانی چاہیے تھی۔وانکھیڈے کا فرضی کھیل سامنے آرہا ہے، انہیں چھٹی پر بھیج دینا چاہیے ان کے چہرے سے نقاب اتر چکا ہے۔

یہ بھی پڑھیں:۔۔۔رکن اسمبلی کے کام، فرائض اور ذمہ داریاں

نواب ملک نے ایک بیان میں کہ جس طرح کا فرضی معاملہ بنایا گیا ایسے میں قلعہ کورٹ میں پہلے ہی ان کی ضمانت ہوسکتی تھی۔لیکن این سی بی نے ہمیشہ اپنے وکلاء کے ذریعے اپنا کردار تبدیل کیا ہے۔ہمیں لگتا ہے کہ یہ معاملہ فرضی ہے اور آنے والے وقت میں اس معاملے میں دیگر ملزمین کو بھی ضمانت مل جائے گی۔

ملک نے مزید کہا کہ جیل میں ڈالنے والا اب خود جیل جانے سے ڈرنے لگا ہے۔وہ اب ممبئی ہائی کورٹ میں جاکر ممبئی پولیس کے خلاف عدم اطمنان ظاہر کررہا ہے۔اس نے ضرور کچھ غلط کیا ہوگا اسی لئے اپ ے خلاف کارروائی سے خوفزدہ ہے۔انہوں نے مزید کہا کہ ممبئی پولیس نے بامبے ہائی کورٹ کو مطلع کیا ہے کہ اگر وہ ایسی کوئی کارروائی کرنے کا ارادہ رکھتے ہیں تو وہ 72 گھنٹہ پہلے ان کی گرفتاری کا نوٹس جاری کریں گے۔میں اپنی پہلی رائے کو دہراتا ہوں کہ یہ منشیات معاملہ فرضی ہے بچوں کو جان بوجھ کر پھنسایا گیا ہے۔