جامعہ شاہ ولی اللہ محدث دہلوی درے گاؤں میں شعبہ دعوت و اصلاح کا آغاز
ازقلم حافظ عقیل احمد ملی قاسمی بانی وناظم جامعہ شاہ ولی اللہ محدث دہلوی
جامعہ شاہ ولی اللہ محدث دہلوی یہ فقط ایک روایتی تعلیمی ادارہ نہیں ہے بلکہ یہ ایک مکمل اور مستقل تحریکی ادارہ ہے جو ہمیشہ اور ہر موقع پر متحرک رہنا اپنی ذمہ داری محسوس کرتا ہے. یہی وجہ ہے کہ یہاں بچوں کی تعلیم کے ساتھ ساتھ بچیوں بڑی عمر کی خواتین اور مردوں کی مکمل تعلیم کی فکر کی جاتی ہے اور اسی کے ساتھ ساتھ حتی المقدور اصلاحی کاموں کی کوشش کی جاتی ہے اور شہری سطح لے کر ملکی سطح تک اٹھنے والی تحریکوں میں اپنی ذمہ داری ادا کرنے کی کوشش کی جاتی ہے۔
یہ بھی پڑھیں:... اچھائی کے نقاب میں چھپے چہروں کو بے نقاب کرنے کا اعلان
درے گاؤں شیوار میں مدرسہ کا آغاز آج سے دس دن پہلے کیا گیا الحمدللہ علاقے کے طلباء کی ایک اچھی تعداد اب تک ہماری طرف متوجہ ہوچکی ہے اور مزید ہم اپنی کوشش جاری رکھیں گے ان شاءاللہ۔
جامعہ شاہ ولی اللہ کے افتتاحی پروگرام کے موقع پر جن عزائم کا اعلان کیا گیا تھا ان میں شعبہ دعوت و اصلاح بھی شامل تھا آج اس شعبہ کا باقاعدہ آغاز کیا کردیا گیا ہے۔ الحمدللہ بروز سنیچر مورخہ 19 جولائی 2025 مطابق 23 محرم الحرام 1447 دوپہر تین بجے سے خواتین اسلام کے لئے ایک مجلس درس قرآن کا اہتمام کیا گیا جس میں علاقے کی خواتین نے کثیر تعداد میں شرکت فرمائی۔
اس افتتاحی پروگرام سے خطاب کرتے ہوئے شہر عزیز مالیگاؤں کی ایک بہت ہی باوقار ذی استعداد معلمہ محترمہ شبینہ شیرین بنت شبیر احمد نے کہا کہ سماج کی سب سے پہلی ضرورت تعلیم ہے اور یہ اسی وقت ممکن ہے. جب بذات خود سرپرست حضرات اپنی ذمہ داری محسوس کریں گے اور بذات خود اپنے بچوں کو وقت پر اسکول اور مدرسہ روانہ فرمائیں وقت کی پابندی کریں یونیفارم کی پابندی کریں گھر سے سبق یاد کرکے روانہ کریں غیر حاضری سے اجتناب کریں. مدرسہ کے ذمہ داران کا تعاؤن فرمائیں کسی بھی معاملے میں ان سے الجھنے کے بجائے باہمی ربط اور تعلق سے مسئلہ حل کرنے کی کوشش کریں تاکہ کسی بھی طرح سلسلہ تعلیم موقوف نہ ہونے پائے اور ہمارے بچے تعلیم سے محروم نہ رہنے پائیں. اگر ہماری کسی بھی غلطی کی وجہ سے ہمارے سماج کا کوئی ایک بچہ بھی تعلیم سے محروم رہ جائے گا تو ہمیں اس کا جواب دینا ہوگا اس احساس کے ساتھ ہم اپنی صبح شام کریں اسی میں ہماری اور ہماری نسلوں کی کامیابی کا راز مضمر ہے۔
جامعہ شاہ ولی اللہ میں جس طرح آج شعبہ اصلاح وارشاد کا آغاز کیا گیا ہے یہ مستقل متحرک رہے گا اور ہر ہفتہ خواتین اسلام کے لئے درس قرآن مجید کا اہتمام کیا جائے گا ان شاءاللہ لیکن ابھی ہم کوئی ایک دن متعین نہیں کررہے ہیں کیونکہ ابھی مستقل کسی معلمہ کا باقاعدہ تقرر نہیں ہوا ہے معلمہ کا تقرر ہوتے ہی باقاعدہ دن متعین کردیا جائے گا ان شاءاللہ۔
ساتھ ہی علاقے کے افراد سے ہم انتہائی مؤدبانہ درخواست کرتے ہیں کہ اس شعبے سے زیادہ سے زیادہ استفادہ کرنے کی کوشش کریں۔ ساتھ ہی اہلیان شہر مالیگاؤں سے ہم انتہائی مؤدبانہ درخواست کرتے ہیں کہ یہ ادارہ ایک نوخیز ادارہ ہے اور بستی مستحق ہونے کے ساتھ ساتھ بہت غربت زدہ ہے لہذا اس ادارے کا زیادہ سے زیادہ تعاون فرمائیں ہفتہ واری مہینے واری کی شکل میں ہو یا اشیاء ضروریہ کی شکل میں ہو اس کے لئے اس موبائل نمبر 9270062488
نمبر پر رابطہ فرمائیں شکریہ۔ اللہ تعالیٰ سے دعاء ہے کہ اس ادارے کو دن دوگنی رات چوگنی ترقیات سے مالا مال فرمائے اور اس علاقے میں جو بھی ضروریات ہیں اللہ تعالیٰ پوری احساس جوابدہی کے ساتھ ہمیں ان سب کو پورا کرنے کی توفیق عطاء فرمائے آمِین بجاہ سید المرسلین صلی اللہ علیہ وسلم۔
صدر و اراکین شاہ ولی اللہ اکیڈمی مالیگاؤں۔
