مالیگاؤں تشدد: سیاسی مفاد حاصل کرنے کیلئے اس معاملے پر سیاست کرنا گھناؤنا عمل: شیخ رشید

بروز سنیچر دوپر 12 بجے کسمبا روڈ اور آگرہ روڈ کی تعمیر نو کی افتتاحی تقریب، شیخ رشید نے عوام سے شرکت کی گزارش کی

مالیگاؤں(پریس ریلیز) بدھ کے روز دوپہر 3 بجے ہزار کھولی رابطہ آفس پر منعقد ایک پریس کانفرنس سے خطاب کرتے ہوئے سابق میئر شیخ رشید نے اطلاع دی کہ 17 کروڑ روپے تخمینہ سے کسمبا روڈ اور آگرہ روڈ کی تعمیر نو کی افتتاحی تقریب سنیچر کو 12 بجے منعقد کی جائے گی۔ جس میں 10 کروڑ روپے تخمینہ سے آگرہ روڈ اور 7 کروڑ تخمینہ سے کسمبا روڈ کی تعمیر نو شامل ہے۔ انہوں نے بتایا کہ اس سے قبل ہماری کوششوں سے 9 کروڑ کے فنڈ سے بس اسٹینڈ سے انصار پترا تک آگرہ روڈ کی تعمیر کا کام مکمل ہوا اب مزید 10 کروڑ کے فنڈ سے انصار پترا سے دیوی کا ملّہ تک روڈ کی تعمیر کی جائے گی۔ جس کی افتتاحی تقریب بروز سنیچر 12 بجے مہاراشٹر سائزنگ مینارہ ہوٹل(آگرہ روڈ) کے پاس ممعقد کی جائے گی۔ سابق میئر نے کہا کہ اسی روز اپسرا لاج سے کریم ناکہ تک کسمبا روڈ کی سمینٹ کانکریٹ تعمیر کی افتتاحی تقریب کا بھی انعقاد ہوگا۔

یہ بھی پڑھیں:۔۔۔فڑنویس اور امرُتا کا راج ٹھاکرے کی رہائش پر لنچ، آئندہ بلدیاتی انتخابات میں بی جے پی-ایم این ایس اتحاد کی قیاس آرائیاںulation-of-BJP-MNS-Alliance-Ahead-of-BMC-Pollsiance-Ahead-of-BMC-Plls.html

شیخ رشید نے بتایا کہ مارچ سے قبل انشاء اللہ دونوں سڑکوں کا کام مکمل ہوجائے گا۔اس کے علاوہ خلیل حافظ جی کے مکان سے ساٹھ فٹی روڈ، سول اسپتال تا کلو کٹی روڈ سمیت کئی اہم سڑکوں کی تعمیر کا آغاز ہوچکا ہے۔آئندہ دنوں میں شہر کے دیگر اہم راستوں کو بھی معیاری طرز پر تعمیر کرنے کی کوششیں جاری ہیں۔ شیخ رشید نے کہا کہ کوالیٹی اور معیار پر خصوصی توجہ دی جائے گی۔ اپوزیشن پر تنقید کرتے ہوئے انہوں نے کہا کہ اپوزیشن تعمیری کام کاج میں ناکام ہے۔

یہ بھی پڑھیں:۔۔۔جناح تو ہندوستان کے مسلمانوں کا جنازہ پڑھ کر گئے تھے: مولانا محمود مدنی

 بارہ نومبر جمعہ کو مالیگاؤں بند کے موقع پر ہونے والے تشدد سے متعلق شیخ رشید نے شرپسندوں کی مذمت کرتے ہوئے انتظامیہ کی ستائش کی اور عوام سے امن وامان بحال رکھنے کی اپیل کی۔انہوں نے اپوزیشن پر اس معاملے کو سیاسی مفاد حاصل کرنے کیلئے استعمال کرنے کا الزام عائد کرتے ہوئے اسے ایک گھناؤنا عمل بتایا اور کہا کہ ان کی یہ کوشش ناکام ہوگئی۔ 

سابق میئر شیخ رشید نے عوام سے آگرہ روڈ اور کسمبا روڈ کی تعمیر کی افتتاحی تقاریب میں شرکت کی اپیل کی ہے۔ اس کے علاوہ پریس کانفرنس کے اختتام پر انہوں نے وارڈ نمبر 19 میں اسلم انصاری کی کوششوں سے پایۂ تکمیل تک پہنچے ایک جم خانہ کا افتتاح بھی کیا۔