27 جون کو بنکر لانس میں سماجوادی کی اہم میٹنگ یوا صدر کے عہدے کا اعلان، کئی اہم شخصیات کی شمولیت متوقع
مالیگاؤں (پریس ریلیز): مالیگاؤں میں قیادت کی کمزوری، عوامی مسائل کی سنگینی اور نوجوانوں کو سیاست میں عملی شرکت کا موقع فراہم کرنے کے مقصد سے سماجوادی پارٹی مالیگاؤں شہر کی جانب سے ایک اہم اور فیصلہ کن میٹنگ بروز جمعہ، 27 جون 2025، شب 8 بجے تا 10 بجے انصار جماعت خانہ، بنکر لانس میں منعقد کی جا رہی ہے۔
گوونڈی میں سڑک حادثہ، ایک ہی فیمیلی کے چار افراد جاں بحقation-Mumbai-News.html
پارٹی کی صدر شانِ ہند نہال احمد نے پریس ریلیز جاری کرتے ہوئے کہا کہ "شہر مسائل کی آگ میں، مصیبتوں سے جھلس رہا ہے، مالیگاؤں شہر نے لاکھوں ووٹ دے کر عوامی نمائندگی کی ذمہ داری دیتے ہوئے جس شخص کو ایوان میں پہنچایا وہ عوام کی خدمت کرنے کی بجائے، عوامی نمائندگی کرنے کی بجائے سرکار (شاشن پرشاشن) کی نمائندگی کرنے، ٹھیکیداری کرنے میں مگن ہے اور صرف اقتدار کے مزے لوٹ رہا ہے۔"
شان ہند نے مزید کہا کہ "میونسپل انتخابات قریب آتے ہی جھوٹے وعدے، الزامات اور بناوٹی تقاریر کا سلسلہ پھر شروع ہو چکا ہے، لیکن اس بار سماجوادی پارٹی ان چہروں سے اچھائی کا نقاب نوچ کر ان کی اصلیت عوام کے سامنے لائے گی۔"
شان ہند نہال احمد نے بتایا کہ اس میٹنگ میں یوا صدر کے اہم عہدے کا باقاعدہ اعلان کیا جائے گا، جو شہر کے نوجوانوں کو قیادت میں شامل کرنے کی سمت ایک انقلابی قدم ہوگا۔ نوجوانوں کو نعرہ بازی تک محدود رکھنے کے بجائے ہم انہیں فیصلہ ساز بنانے جا رہے ہیں۔ یووا صدر کی تقرری سے نئی قیادت کا آغاز ہوگا اور سیاست میں شفافیت، دیانت اور جدوجہد کا نیا دور شروع ہوگا۔ اس میٹنگ میں کئی اہم چہرے سماجوادی پارٹی میں شمولیت اختیار کریں گے، اسی کے ساتھ جمعہ کی ہونے والی میٹنگ میں مالیگاؤں میونسپل کارپوریشن انتخابات میں پارٹی کے موقف کا اعلان بھی کیا جائے گا.
پارٹی صدر نے پارٹی کے تمام ذمہ داران ورکرس، نوجوانوں، بزرگوں اور باشعور شہریوں سے اپیل کی ہے کہ جمعہ 27 جون کو بنکر لانس میں منعقد ہونے والی میٹنگ میں بھرپور شرکت کریں اور شہر کی سیاسی تقدیر کو نئے سرے سے لکھنے کی اس کوشش کا حصہ بنیں۔
