نئے فیچر صارفین کو مزید رازداری فراہم کریں گے، اسی ماہ کی جائیں گی واٹس ایپ میں کچھ بڑی تبدیلیاں
میسجنگ پلیٹ فارم واٹس ایپ تین نئے پرائیویسی فیچرز لارہا ہے۔ ان فیچرز کے متعارف ہونے کے بعد صارفین خاموشی سے گروپ چھوڑ سکیں گے، وہ اس متبادل کا انتخاب بھی کر سکیں گے کہ کون انہیں آن لائن دیکھ سکتا ہے اور کون نہیں. ویو ونس میسجز کے اسکرین شاٹس بھی بلاک کر دیے جائیں گے۔ میٹا کے بانی اور سی ای او مارک زکربرگ نے کہا کہ ہم آپ کے پیغامات کو محفوظ رکھنے اور انہیں روبرو گفتگو کی طرح نجی اور محفوظ رکھنے کے لئے نئے طریقے متعارف کرانا جاری رکھیں گے۔
*پرائیویسی کے نئے فیچرز*
*خاموشی سے گروپ چھوڑیں*
یہ فیچر صارفین کو کسی کو مطلع کیے بغیر گروپ سے باہر نکلنے کی اجازت دے گا۔ جب کوئی گروپ چھوڑنا چاہے گا تو صرف منتظمین(ایڈمن) کو مطلع کیا جائے گا۔ یہ فیچر رواں ماہ متعارف کرایا جائے گا۔
*آن لائن ہونے پر کنٹرول کریں*
*یہ خصوصیت صارفین کو اپنی آن لائن موجودگی کو نجی رکھنے کی اجازت دے گی۔ جب صارف آن لائن ہوتا ہے، تو وہ فیصلہ کر سکے گا کہ کون اسے آن لائن دیکھ سکتا ہے اور کون نہیں۔ یہ فیچر بھی اسی ماہ سے شروع کیا جائے گا۔
*ویو ونس میسجز کے اسکرین شاٹس کو روکنے کے قابل ہوں گے. ویو ونس میسجز فیچر صارف کو مستقل ڈیجیٹل ریکارڈ کے بغیر فوٹو یا میڈیا شیئر کرنے کی اجازت دیتا ہے۔ ویو ونس پیغامات کے اسکرین شاٹس کو بلاک کرنے سے، صارفین کو سیکیورٹی ملے گی۔ اس فیچر کی جانچ کی جا رہی ہے اور جلد ہی اسے متعارف کرایا جائے گا۔
*گروپ کے ممبران آپ کا نمبر نہیں دیکھ سکیں گے*
اس فیچر کے بارے میں معلومات ماضی میں سامنے آئی تھیں۔ یہ فیچر ڈیولپمنٹ کے مرحلے میں ہے اور اسے ٹیسٹنگ کے بعد جلد ہی لانچ کیا جائے گا۔ دراصل کئی بار ہم ایسے گروپوں میں شامل ہو جاتے ہیں جن میں سے بعض کا نام تک نہیں آتا۔ ایسی صورتحال میں دوسرا صارف ہماری مرضی کے خلاف نمبر دیکھ کر اپنے فون میں محفوظ کر سکتا ہے لیکن نیا فیچر آنے کے بعد گروپ کے دیگر ممبران آپ کا موبائل نمبر نہیں دیکھ سکیں گے۔ واٹس ایپ نے اس سال کئی دیگر چھوٹی مگر معنی خیز اپ ڈیٹس کی ہیں۔ ایموجی ری ایکشنز کو رول آؤٹ کرنے اور صوتی پیغامات کو تیز کرنے کا طریقہ پیش کرنے کے علاوہ، پلیٹ فارم نے اینڈرائیڈ صارفین کو اپنی چیٹ ہسٹری آئی فون میں منتقل کرنے کی اجازت بھی دینا شروع کر دی ہے۔
واٹس ایپ پروڈکٹ ہیڈ امی ویرا نے کہا کہ واٹس ایپ میں ہم ایسی خصوصیات متعارف کرانے پر توجہ مرکوز کر رہے ہیں جو لوگوں کو اپنے پیغامات پر زیادہ کنٹرول اور رازداری کے لیے بااختیار بناتے ہیں۔ کوئی دوسری عالمی میسجنگ سروس اپنے صارفین کو اس سطح کی سیکیورٹی فراہم نہیں کرتی ہے۔
