ویکسن کے دونوں ڈوز لگوا چکے راج ٹھاکرے کرونا پازیٹیو

کرونا عفریت کے دوران 2021ء میں راج ٹھاکرے نے ایک پریس کانفرنس کے دوران کہا تھا کہ میں ماسک نہیں پہنتا

مہاراشٹر نونرمان سینا سربراہ راج ٹھاکرے کی کرونا رپورٹ مثبت آئی ہے۔ ان میں کرونا کی معمولی علامات ظاہر ہوئی ہیں۔ واضح رہے کہ راج ٹھاکرے کی ماں بھی کرونا سے متاثر ہیں۔ فی الحال راج ٹھاکرے نے اپنے آپ کو ہوم کورنٹائن کرلیا ہے۔ انہوں نے ٹوئیٹر کے ذریعے گذشتہ ایک ہفتے کے دوران ان کے رابطے میں آنے والے افراد سے کرونا ٹیسٹ کروانے کی اپیل کی ہے۔

یہ بھی پڑھیں:۔۔۔شیخ آصف کا جارحانہ انداز، اب شہر کی سیاست کا رخ تبدیل ہوگا، شفاف سیاست کا عزمl

راج ٹھاکرے گذشتہ کئی روز سے ناسک اور پونے سمیت کئی دیگر شہروں کے دورے پر تھے۔ اس دوران پارٹی کے عہدیداران کے ساتھ میٹنگ بھی ہوئی۔واضح رہے کہ کرونا عفریت کے دور میں بھی راج ٹھاکرے کبھی ماسک لگائے نظر نہیں آئے۔ وہ اپنی رہائش کرشنا کنج پر بھی کوگوں سے بنا ماسک پہنے ملاقات کرتے ہیں۔بی ایم سی افسران کے مطابق راج ٹھاکرے اور ان کی ماں کو کرونا کے دونوں ڈوز لگ چکے ہیں۔اطلاعات کے مطابق راج ٹھاکرے اور ان کی ماں کو لیلاوتی اسپتال لے جایا گیا ہے جہاں انہیں مونو کلونل اینٹی باڈی کاکٹیل دیا جائے گا۔اینٹی باڈی دیئے جانے کےبعد تین گھنٹے میں دونوں کو گھر روانہ کردیا جائے گا۔کرونا سے متاثر ہونے کی تصدیق کے بعد راج ٹھاکرے نے تمام تقریبات ملتوی کردی ہیں۔

کرونا کی دوسری لہر کی ابتداء سے قبل فروری 2021 میں ایک پریس کانفرنس کے دوران جب میڈیا نمائندوں سے راج ٹھاکرے سے ماسک نا پہننے پر سوال کیا تو انہوں نے کہا تھا کہ میں ماسک نہیں پہنتا۔اگر ریاست میں کرونا تیزی سے بڑھ رہا ہے اور لوگوں کی جان کو خطرہ ہے تو کارپوریشن انتخابات کو ملتوی کیا جانا چاہیے۔ اس سے قبل 2020 میں ماسک نا پہننے پر راج ٹھاکرے پر ایک ہزار روپے جرمانہ عائد کیا گیا تھا۔