سی اے گروپ کی شیخ آصف کے ساتھ راؤنڈ ٹیبل میٹنگ

ایل بی ٹی تھک بقایا داروں کے مسائل میں اضافہ ، لاکھوں روپے کی نوٹس، CA گروپ کی این سی پی بھون پر آمد، بیوپاری طبقہ سمیت بنکروں کو راحت دلانے کی کوشش

مالیگاؤں : 23 اکتوبر (پریس ریلیز) مالیگاؤں شہر کے چارٹرڈ اکاؤنٹنٹ کے گروپ نے پاورلوم سمیت دیگر کاروبار سے منسلک تاجر طبقہ نے راشٹروادی بھون پر آصف شیخ رشید سے راؤنڈ ٹیبل میٹنگ کا انعقاد کیا ۔جس میں ایل بی ٹی مسائل پر گفتگو کی گئی ۔بیوپاری گروپ نے کارپوریشن سے ایل بی ٹی کی تھک بقایا رقم کی نوٹس تقسیم کی ہے ۔اس نوٹس کے ساتھ جرمانہ اور سود کی رقم بھی درج کی گئی ہے ۔

یہ بھی پڑھیں:۔۔۔ویکسن کے دونوں ڈوز لگوا چکے راج ٹھاکرے کرونا پازیٹیو

کارپوریشن نے تاجروں کو لاکھوں روپیہ ایل بی ٹی کے نام پر ادا کرنا ضروری قرار دیا ہے جس سے تاجر طبقہ میں شدید بے چینی کا ماحول پیدا ہوگیا ہے ۔اس ضمن میں شہر کے چارٹرڈ اکاؤنٹنٹ کے گروپ نے آصف شیخ سے ملاقات کی ۔جس پر شیخ آصف نے نمائندگی کا تیقن دیا ۔خیال رہے کہ کئی سال قبل مہاراشٹر سرکار نے پوری ریاست میں لوکل باڈی ٹیکس کا نفاذ کیا تھا۔اس کی کی روشنی میں مالیگاؤں کارپوریشن نے ایل بی ٹی کو نافذ کیا ۔اس سلسلے میں ایل بی ٹی تھک بقایا بڑھاتا جارہا ہے اور تاجر طبقہ مسائل سے دوچار ہورہا ہے جس سے انہیں ذہنی و جسمانی پریشانی میں اضافہ ہورہا ہے ۔اس پریشانی کورونا دیکھتے ہوئے مالیگاؤں چارٹرڈ اکاؤنٹنٹ اسو سی ایشن  نے ثاقب نوری اور افضل مرزا کی کنوینر شپ میں آصف شیخ سے نمائندگی کا مطالبہ کیا ۔شیخ آصف نے کہا کہ کارپوریشن کمشنر سے نمائندگی کرتے ہوئے اصل رقم کی ادائیگی اور بقایا جرمانہ و سود کی رقم معاف کرنے کا مطالبہ کیا جائے گا  اور بنکروں و بیوپاری طبقہ کو راحت دی جائے ۔اگر کمشنر نے تعاون نہیں کیا تو مہاراشٹر کے وزیر مالیات اجیت پوار سے ملاقات کرتے ہوئے ایل بی ٹی تھک بقایا داروں کے مسائل حل کئے جائیں گے ۔اس وفد میں مالیگاؤں چارٹرڈ اکاؤنٹ اسو سی ایشن کے صدر وکرم مہتا، سیکریٹری راجیش جاکوٹیہ، سی اے ستیش کاسلیوال، اوپیندر مہتا، سی اے ومل جین، رانیداس بھُوترا، دانش جین، للت جین، سی اے اویس، سی اے عامر، افضل مرزا، پرا فلہ گریگ، سی اے ویملش چھاجھیڑ وغیرہ شریک تھے ۔ یہاں یہ اپیل کی گئی ہے کہ شہر کے تاجر طبقہ جنکا ایل بی ٹی بقایا ہے اور انہیں نوٹس ملی وہ ثاقب نوری اور افضل مرزا سے رابطہ کریں اور اپنے کاغذات جمع کروائیں۔