آن لائن پڑھائی میں کوتاہی کرنے پر ماں نے ساڑھے تین سالہ بچے کا قتل کرنے کے بعد خودکشی کرلی

آن لائن کلاس کے دوران پڑھائی پر توجہ نہ دینے پر ماں نے ساڑھے تین سال کے بیٹے کے منہ پر تکیہ رکھ کر قتل کردیا

آن لائن کلاس کے دوران پڑھائی پر توجہ نہیں دیئے جانے پر ناراض ایک ماں نے اپنے ساڑھے تین سالہ بیٹے کے منہ پر تکیہ رکھ اس کا قتل کردیا۔ اپنی غلطی کا احساس ہونے کے بعد اس نے خود بھی پھانسی لگا لی۔ناسک پولیس کے مطابق پاتھرڈی پھاٹا علاقے کے سائی سدھی اپارٹمنٹ میں مذکورہ واردات پیش آئی۔

پیر کی رات قریب 9:30 بجے 30 سالہ شکھا ساگر نامی خاتون کی لاش پھندے سے لٹکی ہوئی ملی۔

یہ بھی پڑھیں:---آٹھویں پاس میکینک نے تیار کیا ہیلی کاپٹر، پہلی ہی اڑان کے دوران ہیلی کاپٹر کریش، نوجوان کی موت

شکھا نے سوسائیڈ نوٹ میں لکھا کہ ان دونوں اموات کیلئے کسی کو ذمہ دار نہیں ٹھہرایا جانا چاہیے۔خاتون نے خودکشی نوٹ میں یہ واضح طور پر نہیں لکھا کہ بیٹے کا قتل بھی اس نے ہی کیا ہے۔حالانکہ دونوں کی لاش کمرے کے اندر تھی۔کمرہ باہر سے بند تھا اور بچے کی ناک سے خون بہہ رہا تھا۔خاتون کے والدین نے بھی نواسے کو قتل کئے جانے کی تصدیق کی ہے۔واردات کے وقت شکھا اپنے والدین کے گھر تھی جبکہ اس کے والدین گھر پر موجود نہیں تھے۔معاملے کی تفتیش کررہے اے سی پی سہیل شیخ نے بتایا کہ پیر کے روز شام 5 بجے کے قریب شکھا نے تکیے سے منہ دبا کر اپنے بیٹے کا قتل کیا تھا۔اس معاملے میں قتل اور خودکشی کا معاملہ درج کرلیا گیا ہے۔