عامر خان جیسے لوگ ہندوستان کی آبادی میں اضافہ کے ذمہ دار: سدھیر گپتا

 

عامر خان کی دونوں سابقہ بیویاں بچوں کو لےکر کہاں جائیں گی، عامر کو اس کی فکر نہیں ہے اور وہ تیسری بیوی کی تلاش میں ہیں، بی جے پی رکن پارلیمان کا متنازعہ بیان

ورلڈ پاپولیشن ڈے کے موقع پر بڑھتی ہوئی آبادی کے پیش نظر آبادی پر قابو پانے سے متلعق سخت اقدامات کئے جانے کے مطالبات میں تیزی سے اضافہ ہوا ہے۔اس وقت پورے ملک میں اترپردیش کی نئی آبادی پالیسی کا شور ہے۔اسی دوران بی جے پی رکن پارلیمان سدھیر گپتا نے فلم اداکار عامر خان سے متعلق ایک متنازعہ بیان دیا ہے۔آبادی پر قابو پانے کیلئے سخت اقدامات کئے جانے کا مطالبہ کرتے ہوئے سدھیر گپتا نے کہا کہ ہندوستان کی آبادی کو بے قابو کرنے میں عامر خان جیسے لوگوں کا ہاتھ ہے، یہ ملک کی بدقسمتی ہے۔سدھیر گپتا نے کہا کہ عامر خان کی پہلی بیوی کے دو بچے ہیں، دوسری بیوی کا ایک بچہ ہے، وہ بچوں کو لے کر کہاں بھٹکیں گی؟ اس کی فکر نہیں ہے، لیکن دادا عامر خان تیسری کی تلاش میں مصروف ہیں۔یہ پیغام ہے ایک ہیروکا؟انہوں نے کہا کہ یہ جو دنیا کہتی تھی انڈا بیچنے کے علاوہ زیادہ کچھ عقل ہے نہیں، اتنا ہی کریں تو ٹھیک ہے۔بی جے پی رکن پارلیمان نے کہا کہ یہ بالکل واضح ہے کہ ہمیں ایک نا ایک دن اس تعلق سے غور تو کرنا پڑے گ۔ انہوں نے مزید کہا کہ میں دیکھا کہ ہندوستان کی ایک انچ بھی زمین میں اضافہ نہیں ہوا اور آبادی 140 کروڑ ہوگئی۔ اس پر نہ تو مبارکباد دی جاسکتی ہے نا نیک خواہشات۔اگر ماضی دیکھیں تو جب ہندوستان اور پاکستان کا بٹوارا ہوا تھا تب پاکستان کے حصے میں زمین زیادہ گئی تھی لیکن آبادی کم گئی تھی۔