کیا عامر خان، فاطمہ ثناء شیخ سے شادی کریں گے؟سوشل میڈیا پر چہ مگوئیاں جاری

 

عامر اور کرن راؤ کی طلاق پر ٹوئیٹر پر میمز اور ٹرول کا سلسلہ دراز,ٹوئیٹر یوزر نے عامر خان اور اداکارہ فاطمہ ثناء شیخ کو پیشگی مبارکباد اور نیک خواہشات پیش کیں

اداکار عامر خان اور پروڈیوسر کرن راؤ نے آج شادی کے 15 سال بعد طلاق لینے کا اعلان کردیا۔انہوں نے اپنے ایک مشترکہ بیان میں کہا کہ اب وہ ایک دوسرے کے ساتھ شریک والدین اور کنبہ کی حیثیت سے ایک نئے باب کا آغاز کریں گے۔عامر اور کرن نے جب نیک خواہشات کی درخواست کی تو سوشل میڈیا اور مائیکرو بلاگنگ سائٹ ٹوئیٹر پر میمز اور ٹرول کا سلسلہ جاری ہوگا۔یوزرس نے ملے جلے ردعمل کا اظہار کیا، عامر اور کرن راؤ کے ساتھ ساتھ فاطمہ ثناء شیخ، لو جہاد اور ڈیوائس مائیکرو بلاگنگ سائٹ پر ٹرینڈنگ موضوع بن گئے۔واضح رہے کہ عامر خان اپنی فلم دنگل اور ٹھگس آف ہندوستان کی اپنی شریک اداکارہ فاطمہ ثناء شیخ سے منسلک ہوگئے تھے۔ ایک ٹوئیٹر یوزر نے کہا کہ عامر اور فاطمہ ثناء شیخ کو پیشگی مبارک ہو، امید ہے کہ یہ رشتہ طویل عرصے تک قائم رہے۔ایک اور یوزر نے حیرت کا اظہار کرتے ہوئے سوال کیا کہ کیا ہم اخلاقی طور پر مردہ معاشرے میں نہیں رہ رہے؟ مزید ایک ٹوئیٹر یوزر نے افسوس کا اظہار کرتے ہوئے کہا کہ ایک مسٹر پرفیکشنسٹ بھی اپنے کامل تعلقات قائم کرنے میں ناکام رہا۔عامر اور کرن کے طلاق کی خبر کے بعد عمار خان کی فلموں کے مکالموں اور تصاویر پر مبنی ممیز سوشل میڈیا کی زینت بن گئے،متعدد ٹوئیٹس میں سلمان خان کا بھی مذاق اڑایا گیا۔ایک ٹوئیٹر یوزر نے لکھا کہ شادی کوئی مذاق نہیں ہے۔