دہلی: لاک ڈاؤن کا اعلان ہوتے ہی شراب کی دکانوں پر لمبی قطاریں

 

ٹوئٹر پر خاتون کا دلچسپ ویڈیو وائرل، کوئی بھی ویکسن شراب کے برابر نہیں ہوسکتی، اسپتالوں کی بجائے شراب کی دکانیں کھولنی چاہیے

نئی دہلی: آج دہلی میں کرونا کے بڑھتے ہوئے معاملات کے پیش نظر وزیراعلی اروند کیجریوال 6 دنوں کے لاک ڈاؤن کا اعلان کیا ہے۔لاک ڈاؤن کا اعلان ہوتے ہی دہلی کے خان مارکیٹ علاقے میں واقع شراب کی دکان پر زبردست بھیڑ دیکھی گئی۔لوگ شراب خریدتے ہوئے نظر آئے۔ کیونکہ دہلی میں 6 دنوں کے سخت لاک ڈاؤن کا اعلان کیا گیا ہے اور اس عرصہ میں تمام دکانیں بند رہیں گی۔اس کے پیش نظر لوگ اپنی ضروریات کی چیزیں خریدنے لگے ہیں لیکن شراب کی دکانوں کے باہر زبردست بھیڑ دیکھی گئی۔اروند کیجریوال نے کہا کہ حکومت نے بہت غور وفکر کرنے کے بعد 6 دن کا لاک ڈاؤن لگانے کا فیصلہ کیا ہے کیونکہ اگر دہلی کو کسی بڑی مصیبت سے بچانا ہے تو لاک ڈاؤن ناگزیر ہے۔لاک ڈاؤن کا اعلان ہوتے ہیں سوشل میڈیا پر بھی ایسی کئی تصاویر وائرل ہوئیں جس میں لوگوں کو شراب کی دکانوں پر لمبی لائن میں میں کھڑا دیکھا گیا۔اس سلسلےمیں ایک ٹوئٹر پر ایک دلچسپ ویڈیو وائرل کیا گیا جس میں شارب کی دکان کے قریب کھڑی ایک خاتون نے کہا کہ کوئی بھی ویکسن شراب کے برابر نہیں ہوسکتی کیونکہ شراب ہی اصل دوا ہے۔

https://twitter.com/ANI/status/1384058199976792064?s=19

اس خاتون نے کہا کہ وہ گذشتہ 35 سال سے شراب پی رہی ہے اور اسے کبھی کسی دوا کی ضرورت نہیں پڑی۔حتی کہ اس نے یہ بھی کہہ دیا کہ اسپتالوں کی بجائے مزید ٹھیکا یعنی شراب کی دکانیں کھولنی چاہیے۔