ثناء خان اور میرے رشتے پر انگلی اٹھانے والے تنگ نظر ہیں: انس سیّد

 

یہ میری زندگی ہے لوگوں کو اس پر رائے نہیں دینی چاہیے، ہم دونوں بہت خوش ہیں، ثناء خوش اخلاق اور صاف دل کی مالک ہے

سابق بالی ووڈ اداکارہ ثناء خان کے شوہر انس سید نے کہا کہ ثناء کے بالی ووڈ انڈسٹری کو خیرباد کہنے کے ان کے فیصلے میں میرا کوئی عمل دخل نہیں ہے۔واضح رہے کہ امسال ہی ثناء خان نے فلم انڈسٹری کو خیر باد کہتے ہوئے اپنی زندگی خالق کائنات اور اسلام کئے وقف کرنے کا فیصلہ کیا۔ثناء نے نبر میں مفتی انس سید سے نکاح کیا تھا۔انس سید نے اپنے ایک انٹرویو میں کہا کہ لوگ ان کے رشتے سے متعلق سوالات کرنے کیلئے آزاد ہیں اور ہمارے رشتے سے متعلق شکوک و شبہات کا اظہار کرنا ان کی کم فہمی اور تنگ نظری کی علامت ہے۔انس سید نے ٹائمز آف انڈیا کو بتایا کہ میں کبھی بھی ثناء کی زندگی میں مداخلت نہیں کی اور نہ اس پر کسی چیز کیلئے دباؤ ڈالا۔6 ماہ قبل اس نے انسٹاگرام پر اعلان کیا کہ اس نے حجاب لینا شروع کر دیا ہے۔عوام کا خیال تھا کہ کرونا وباء یا کام نہ ہونے کے سبب وہ ایسا کررہی ہے۔لیکن وہ جو کچھ بھی کررہی ہے اس سے خود کو الگ کرنا چاہتی ہے۔میں اسے وقت دینا چاہتا ہوں۔دراصل میں خود بھی حیران تھا جب اس نے اعلان کیا کہ وہ انڈسٹری کو خیرباد کررہی ہے۔انس نے مزید کہا کہ میں نے اللہ سے دعا کی کہ میری شادی ثناء سے ہو اور میری دعا قبول ہوگئی۔میرے خیال ہے کہ اگر میری شادی کسی اور سے ہوتی تو شاید میں اتنا خوش نہیں ہوتا۔لوگ مجھ سے اب تک سوال کررہے ہیں کہ میں نے ایک اداکارہ سے کیسے شادی کرلی؟ لیکن یہ چھوٹی سوچ کے لوگ ہیں، یہ میری زندگی ہے اور لوگوں کو اس پر رائے نہیں دینا چاہیے۔لوگوں کا خیال ہے کہ ہماری جوڑی مناسب نہیں ہے لیکن یہ ہم دونوں جانتے ہیں کہ ہم ایک دوسرے کیلئے کتنے مناسب ہیں۔