شاہ رخ خان نے بیٹے کو مدرسے میں مذہبی تعلیم دلائی ہوتی تو یہ دن نہیں دیکھنا پڑتا: مولانا شہاب الدین رضوی

شاہ رخ خان خود اگر کچھ دن مدرسے میں تعلیم حاصل کرتے تو انہیں اس بات کا احساس ہوتا کہ مذہبی تعلیم بھی حاصل کرنا ضروری ہے

جب سے شاہ رخ خان کے بیٹے آرین خان کو منشیات معاملے میں این سی بی نے گرفتار کیا ہے ملک میں عوام اور سرکردہ افراد کی جانب سے مختلف ردعمل سامنے آرہے ہیں۔ شاہ رخ خان کے مداح بھی دو گرہوں میں تقسیم ہوچکے ہیں۔اب بریلی کے تنظیم علمائے اسلام کے قومی جنرل سکریٹری مولانا شہاب الدین رضوی نے دعوی کیا ہے کہ اگر شاہ رخ خان نے اپنے بیٹے کو مدرسے میں تعلیم دلائی ہوتی تو انہیں یہ دن نہیں دیکھنا پڑتا۔مولانا کا کہنا ہے کہ اگر شاہ رخ خان کچھ دن اپنے بیٹے کو مدرسے میں تعلیم دلائی ہوتی تو اسے اسلامی احکامات کا علم ہوتا کہ اسلام میں کسی بھی طرح کا نشہ کرنا حرام ہے۔انہوں نے مزید کہا کہ فلم انڈسٹری کے لوگ اسلامی احکامات سے ناواقف ہیں۔اسلام میں نشہ حرام ہے یہ بات مدرسوں میں پڑھائی اور سمجھائی جاتی ہے۔

مولانا کے مطابق اسلام میں یہ بھی کہا گیا ہے کہ اگر اولاد بری صحبت میں پڑ جائے تو والدین کو اسے سمجھا بھجا کر صحیح راستے پر لانے کی کوشش کریں۔شاہ رخ خان اگر خود کچھ دن مدرسے میں پڑھے ہوتے تو انہیں اس بات کا احساس ہوتا۔ بھلے ہی کچھ لیکن مذہبی تعلیم بھی حاصل کرنی چاہیے۔شاہ رخ خان کو اگر مدرسہ نہیں ملا تھا تو گھر کے پاس کسی مسجد کے امام سے مذہبی تعلیم لے لیتے۔انہیں اپنے بیٹے کو بھی اسلام کے اصولوں اور قوانین سے روبرو کروانا چاہیے تھا۔