ممبئی: کری روڈ کی کثیر منزلہ عمارت میں آتشزدگی

 

آگ سے بچنے کیلئے ایک شخص 19 منزلے کی گِرِل سے 10 منٹ تک لٹکا رہا لیکن ہاتھ چھوٹ گیا، نیچے گر کر موت

جنوبی ممبئی کے کری روڈ علاقہ میں آج ایک 60 منزلہ زیر تعمیر عمارت میں آگ لگ گئی۔اس حادثہ کا ایک دل دہلا دینے والا ویڈیو سامنے آیا ہے جس میں ایک شخص آگ سے بچنے کیلئے 19 منزلے کی گِرِل سے 10 منٹ تک لٹکا رہا۔اسی دوران اس کا ہاتھ چھوٹ گیا اور نیچے گرنے سے اس کی موقت ہوگئی۔ واضح رہے کہ متوفی اس عمارت کا سکیورٹی انچارج تھا۔

فائر بریگیڈ محکمہ سے موصول اطلاعات کے مطابق صبح 11 بج کر 51 منٹ پر کری روڈ کی اویدھنا پارک بلڈنگ میں آگ لگی۔سب سے پہلے 19 منزلے پر آگ لگی لیکن کچھ دیر میں آگ 17 اور 20 منزلے تک پھیل گئی۔ایسا پتہ چلا ہے کہ اس بلڈنگ کا فائر سسٹم گذشتہ دو سال سے بند تھا لیکن سوسائٹی نے اس تعلق سے بی ایم سی کو کوئی اطلاع نہیں دی تھی۔بی ایم سی نے اس حادثے کے بعد معاملے کی جانچ کا حکم دیا ہے۔حادثے کی اطلاع ملتے ہی آس پاس کے فائر اسٹیشن کی گاڑیاں اور عملہ جائے حادثہ پر پہنچ گئے۔ اطلاعات کے مطابق ممبئی کی میئر کشور پیڈنیکر بھی جائے حادثہ پر پہنچیں۔