ٹیکساس :اسپتال میں 91 گھنٹوں میں 107 بچوں کی پیدائش

اینڈریو ویمن اسپتال میں اوسطا یومیہ 16 بچوں کی پیدائش ہوتی ہے جبکہ 2020 میں کل 6 ہزار بچوں کی پیدائش ہوئی تھی

امریکی ریاست ٹیکساس کے ایک اسپتال میں 91 گھنٹوں کے دوران 107 بچوں کی پیدائش ہوئی ہے۔غیر ملکی خبر رساں ادارے کے مطابق اینڈریو ویمن اسپتال اور وائٹ آل سینٹ میڈیکل سینٹر کا کہنا ہے کہ 24 جون کو پہلی مرتبہ بچوں کی اتنی بڑی تعداد میں پیدائش دیکھی گئی تھی جب 47 گھنٹوں میں 52 بچوں کی پیدائش ہوئی تھی۔

یہ بھی پڑھیں:۔۔۔۔گاندھی مارکیٹ کے نام سے وائرل ویڈیو کا سچ، خاطیوں پر سخت کارروائی کا مطالبہ

انھوں نے مزید بتایا کہ پھر اس کے بعد 28 جون کو اسپتال میں 44 گھنٹوں میں 55 بچے پیدا ہوئے تھے۔اینڈریو ویمن اسپتال کے بارے میں بتایا جاتا ہے کہ یہاں اوسطاً یومیہ 16 بچوں کی پیدائش ہوتی ہے، جبکہ 2020 میں 6 ہزار بچوں کی پیدائش ہوئی تھی۔ان 6 ہزار بچوں میں 100 مرتبہ جڑواں بچوں کی پیدائش ہوئی جبکہ دو مرتبہ 3 بچے پیدا ہوئے۔