شان ہند اور مستقیم ڈگنٹی کی ہیلتھ آفیسر سپنا ٹھاکرے سے ملاقات

 

مختلف امور پر تبادلۂ خیال، آشا ورکرز کی تنخواہوں کی ادائیگی اور شہر کی عوام کیلئے اسپتالوں میں بیڈ اور آکسیجن ریزرو کرنے کا مطالبہ،یکم مئی کو مستقیم ڈگنٹی کرونا ویکسن لگوائیں گے

مالیگاؤں: گذشتہ روز جنتادل سیکولر کی کارگذار  صدر شان ہند نہال احمد اور جنرل سیکریٹری مستقیم ڈگنٹی نے ہیلتھ آفیسر سپنا ٹھاکرے سے ملاقات کی۔انہوں نے بتایا کہ ریاست بھر میں کرونا کہ دوسری لہر سے ہاہا کار مچی ہوئی ہے۔مالیگاؤں شہر کے 35 نجی اور 4 سرکاری اسپتالوں میں بڑی تعداد میں بیرون شہر کے مریضوں کو داخل کیا گیا ہے اور ان کا علاج جاری ہے۔آج کرونا مریضوں کی تعداد کی مناسبت سے شہر کے حالات کافی بہتر ہیں، لیکن اگر مستقبل حالات بگڑے اور شہر میں کرونا مریضوں کی تعداد میں اضافہ ہوا تو شہر کے عوام کہاں جائیں گے؟ اسلئے مستقیم ڈگنیٹی نے ہیلتھ آفیسر سے مطالبہ کیا کہ مالیگاؤں میونسپل کارپوریشن کی حدود میں رہائش پذیر عوام کیلئے اسپتالوں میں بیڈ اور آکسیجن سلینڈر مختص( ریزرو) کئے جائیں۔واضح رہے کہ حکومت کی گائیڈ لائن کے مطابق یکم مئی سے 18 سال سے زائد عمر کے تمام لوگوں کو ویکسن لگانے کا فیصلہ کیا گیاہے۔اس تعلق سے مستقیم ڈگنٹی نے کارپوریشن کی تیاریوں کا جائزہ کیا اور اعلان کیا کہ یکم مئی کو وہ خود بھی ویکسن لگوائیں گے۔جنتا دل سیکولر کی کارگذار صدر شان ہند نے ہیلتھ ورکرز(آشا ورکرز) کی اجرت ادا کرنے تاخیر پر تشویش کا اظہار کرتے ہوئے کہا کہ کرونا کے پہلے اور دوسرے دور میں جان ہتھیلی پر رکھ کر عوام کی خدمت کرنے والی ہیلتھ ورکرز کی تنخواہ(مان دھن) کئی مہینوں تاخیر سے دی جارہی ہے۔آئندہ کچھ روز بعد مسلمانوں کا بڑا تہوار عید اور برداران وطن کے تہواروں کے پیش نظر آشا ورکرز کی 3 سے 4 ماہ کی بقایا تنخواہ فوری طور پر ادا کی جانی چاہیے تاکہ تہوار سے قبل وہ اپنی ضروریات پوری کرسکیں۔ہیلتھ آفیسر سپنا ٹھاکرے نے اس تعلق سے فوری کارروائی کرتے ہوئے جنوری اور فروی کی تنخواہیں آئندہ دو تین روز میں ادا کرنے کا اعلان کیا اور بقیہ مارچ اور اپریل کی تنخواہ سے متعلق کمشنر سے بات کرکے جلد ہی مسئلہ کے حل کا تقین دیا۔