سدرشن ٹی وی ایڈیٹر سریش چوہانکے نے وڈیو شیئر کیا، پولیس نے کہا وڈیو کی حقیقت کی جانچ کی جارہی پے اس کے بعد ضروری کارروائی کہ جائے گی
اسکولی بچوں سے ہندوستان کو ہندو راشٹریہ بنانے کا ایک وڈیو سوشیل میڈیا پر وائرل ہونے کے بعد ایک تازہ تنازعہ پیدا ہوا ہے۔مذکورہ متنازعہ وڈیو بدھ کے روز سدرشن ٹی وی کے ایڈیٹر سریش چوہانکے کے ذریعے شیئر کیا گیا۔ جس میں اترپردیش کے ضلع سون بھدرا میں اسکولی بچوں سے ہندوستان کو ایک’ہندو راشٹر‘ بنانے کا عہد لیاگیاہے۔ اسکول کے اوقات کے بعد اسکول یونیفارم میں پارک میں یہ بچے اکٹھا ہوئے تھے۔
یہ بھی پڑھیں:۔۔۔ٹیکسٹائل پر نہیں بڑھے گی جی ایس ٹی، ٹیکسٹائل سیکٹر کیلئے بڑی خبر
اپنے والدین کے ساتھ پارک میں آنے والے بعض بچے بھی اس عہد لینے والے پروگرام میں شامل ہوئے۔ جہاں طلبہ سے ہندوستان کوایک ہندو راشٹریہ بنانے کا عہد دہرایا گیا ہے۔اس عہد میں کہاگیا ہے کہ ہندوستان کو ایک ہندو راشٹر بنانے کے لئے ضرورت پڑنے پر لڑنے قتل کرنے اورمرنے کو بھی کہاگیاہے۔
ضلع سون بھدرا کے نہرو پارک میں اسکولی طلبہ کے اس عہد کا انتظام کیا گیا تھا اور اسکا اختتام بھارت ماتا کی جئے، وندے ماترم اور جئے ہند کے نعروں پر کیا گیا۔ اس عہد میں کہاگیا کہ ہم ہندوستان کو ایک ہندو راشٹر بنانے کے لئے کام کرنے کا وعدہ کرتے ہیں۔اس کے لئے ہم جدوجہد کریں گے، جان دیں گے اور ضرورت پڑتی ہے تو اس کے لئے جان لیں گے۔ مگر ایک لمحہ کے لئے بھی ہم پیچھے نہیں ہٹیں گے۔ قربانی سے کوئی فرق نہیں پڑے گا۔
ہمارے اجداد اساتذہ مادر ہندوستان ہمیں طاقت دیں گے تاکہ ہم اپنے عہد کو پورا کرسکیں۔ ہمیں جیت ملے۔ایک نیوز چینل کے ٹوئٹر ہینڈل پر اس واقعہ کا متنازعہ ویڈیو شیئر کیاگیا ہے۔ اس واقعہ سے متعلق پولیس نے کہا کہ اس واقعہ سے انہیں آگاہ کردیاگیا ہے اور ویڈیو کی حقیقت کی وہ جانچ کررہے ہیں اس کے بعد ضروری کاروائی کی جائے گی۔
