پولیس کنٹرول روم میں محرم کے پیش نظر مختلف محمکوں اور شہر تعزیہ کمیٹی کی مشترکہ میٹنگ کا انعقاد کیا گیا۔اس میٹنگ میں ضلع ایس پی سچن پاٹل، شہر ایڈیشنل ایس پی چندر کانت کھانڈوی، ڈی وائے ایس پی لتا ڈھونڈے، پرانت آفیسر، ضلع کلکٹر اور پولیس انتظامیہ و دیگر محکموں کے اعلی افسران کے علاوہ تعزیہ کمیٹی اراکین نے شرکت کی۔ محرم کے پیش نظر شہر تعزیہ کمیٹی نے نظم ونسق، ٹریفک سہولیات سمیت دیگر کئی اہم امور پر تبادلہ خیال کیا۔ تعزیہ کمیٹی اراکین کی جانب سے مطالبہ کیا گیا کہ کارپوریشن تعزیہ لے جانے کیلئے اچھی اور سہولیات سے لیس گاڑیوں کا نظم کرے۔
اس ضمن میں کارپوریشن نے امسال تیس(30) گاڑیوں کا نظم کرنے کا تیقن دیا۔اس کے علاوہ شہر میں نظم ونسق اور دیگر سہولیات فراہم کئے جانے کا بھی یقین دلایا گیا ہے۔
ویڈیو: ضلع ایس پی سچن پاٹل کا بیان
اس موقع پر ضلع ایس پی سچن پاٹل نے ملت اسلامیہ کو محرم کی مبارکباد پیش کی، اور کہا کہ گزشتہ سال کی طرح ہی امسال بھی محرم کرونا گائیڈ لائن و ہدایات پر عمل کرتے ہوئے محرم کا تہوار منائیں۔انہوں نے کہا کہ اس وقت کرونا کا خطرہ باقی ہے اور ہمیں احتیاط کرتے ہوئے اپنے آپ اور ہمارے بچوں کو اس خطرناک بیماری سے بچانا ہے۔ اسلئے تہوار پر بھی کرونا گائیڈ لائن پر عمل کرنا ضروری ہے۔انہوں نے کہا کہ محرم کے پیش نظر حالات کا جائزہ لینے کیلئے پولیس انتظامیہ کے ذریعے شہر کی اہم شاہراہوں اور مقامات پر روٹ مارچ کیا جائے گا۔انہوں نے عوام سے اپیل کی ہے کہ تہوار امن و امان اور سادگی منائیں اور انتظامیہ کا تعاون کریں۔
