شہریت کے ساتھ ساتھ کرکٹ کھیلنے کا بھی آفر... راشد خان کا اپنی کتاب میں سنسنی خیز خلاصہ
افغانستان کے اسٹار کرکٹ کھلاڑی راشد خان نے سنسنی خیز خلاصہ کرتے ہوئے ایک وقت ایسا تھا جب ہندوستان اور آسٹریلیا دونوں ممالک نے انہیں اپنے ملک کی شہریت دینے کی پیشکش کی تھی مگر انہوں نے اس پیشکش کو ٹھکرا دیا تھا.
افغانستان کے اسٹار گیند باز راشد خان نے اپنی کتاب "راشد خان-فرام اسٹریٹس ٹو اسٹارڈم" میں کہا کہ انہیں ہندوستان اور آسٹریلیا دونوں ممالک کی جانب سے شہریت دینے کی پیشکش کی گئی تھی لیکن انہوں نے اس پیشکش کو قبول نہیں کیا. مزکورہ کتاب میں راشد خان نے 2023 آئی پی ایل سیزن کے ایک واقعہ کا ذکر کرتے ہوئی بتایا کہ ٹیم کے ایک افسر نے انہیں بتایا کہ ہندوستانی کرکٹ کی دنیا کی ایک عظیم ہستی ان سے ملنا چاہتے ہیں.
راشد نے مزید بتایا کہ "میں ان کے پاس گیا، ہماری بات چیت شروع ہوئی اور انہوں نے کہا کہ آپ کے ملک افغانستان کے حالات بہت خراب ہیں آپ ہندوستان آجاؤ اور یہیں رہو. ہم آپ کو ہندوستانی دستاویزات مہیا کروادیں گے. آپ یہیں رہو اور کرکٹ کھیلو. راشد نے کہا کہ میں ان کی بات سن کر حیران رہ گیا اور مجھے سمجھ نہیں آرہا تھا کہ میں اس کا کیا جواب دوں. لیکن میں نے مسکراتے ہوئے کہا کہ "آپ کا بہت بہت شکریہ... میں اپنے ملک افغانستان کیلئے کھیل رہا ہوں.
راشد نے یہ بھی بتایا کہ انہیں صرف ایک ملک سے اس طرح کی پیشکش نہیں ہوئی بلکہ آسٹریلیا اور ہندوستان دونوں ممالک نے انہیں شہریت اور کھیلنے کی پیشکش کی. لیکن میں نے کہا کہ اگر میں اپنے ملک کیلئے نہیں کھیلوں گا تو میں کسی اور ملک کیلئے بھی نہیں کھیلوں گا.
راشد خان نے 2018 کے ایک ایسے ہی واقعہ کو یاد کیا جب سن رائزرس حیدرآباد کیلئے کھیلتے تھے. کلکاتا نائٹ رائیڈرس کے خلاف میچ وننگ کارکردگی کے بعد ہندوستان میں سوشل میڈیا پر انہیں شہریت دینے کا مطالبہ کیا جانے لگا. جو راشد کے تئیں لوگوں کے عزت و احترام کو ظاہر کرتا ہے.
Post A Comment:
0 comments: