ماں باپ سے زیادہ بوڑھے نظر آنے والے دو بچے

کیوٹس لکزا اور پروجیریا نامی پراسرار بیماری میں مبتلاء انجلی اور کیشو پر والدین کو فخر ہے

ہندوستان کی ریاست جھار کھنڈ کے رانچی شہر میں دو بہن بھائی خطرناک بیماریوں میں مبتلا ہیں جس کی وجہ سے  وہ اپنے ماں باپ سے بھی  زیادہ بوڑھے دکھائی دیتے ہیں۔

یہ بھی پڑھیں:۔۔۔امن اجلاس : آج پولیس عدالت میں حاضر نہیں ہوسکی، دو دسمبر کو سماعت، انتظامیہ کو سمن جاریistration.html

جھارکھنڈ کے شہر رانچی میں پیدا ہونے والی 13 سالہ انجلی اور اس کا بھائی کیشوو جس کی عمر صرف 6 برس ہے، دونوں ہی 'کیوٹس لکزا' اور 'پروجیریا' نامی پراسرار بیماری میں مبتلا ہیں۔ڈاکٹروں کے مطابق یہ دونوں بیماریاں پیدائشی ہیں جن میں بچے شروع سے ہی ضعیف دکھائی دیتے ہیں اور انہیں بزرگوں والی اندرونی بیماریاں لاحق ہوتی ہیں۔ یوں تو یہ بچے عام زندگی گزار رہے ہیں لیکن درحقیقت ان کی زندگی شروع سے ہی مشکلات کا شکار ہے۔ بچوں کو اسکول میں ان کی جلد کے باعث ہراساں کیا جاتا ہے ، اور ان کا مذاق بھی اڑایا جاتا ہے۔

پانچ سال قبل 2016 میں پہلی بار ان بچوں کی خبر عالمی میڈیا پر شائع ہوئی تھی۔ اس وقت کیشوو ایک سال کا جب کہ انجلی کی عمر 7 سال تھی۔ خبر کے وائرل ہونے پر بچوں کے والدین سے ایک سماجی تنظیم نے رابطہ کیا اور ان کی دواؤں کے اخراجات اٹھانے کا وعدہ کیا۔

تاہم کچھ روز قبل بچوں کی ایک نئی ویڈیو بھی جاری کی گئی ہے۔ بچوں کے والد نے بتایا کہ انہیں اپنے بچوں کی اس حالت پر کوئی دکھ نہیں، انہیں اپنے بچوں پر فخر ہے۔