بی جے پی سے کتنے پیسے ملے؟

سوال کرنے والے نوجوان کیساتھ عبدالستار کی فحش کلامی، آڈیو کلپ شوسل میڈیا پر وائرل

اورنگ آباد : (3 جولائی) ایکناتھ شندے سمیت شیوسینا کے 39 ایم ایل ایز بغاوت کر کے بی جے پی کے ساتھ اقتدار میں آگئے ہیں۔ جس میں اورنگ آباد ضلع میں سب سے زیادہ ایم ایل اے ہیں۔ خاص طور پر سابق وزیر عبدالستار ٹاک آف دی ٹاؤن رہے۔  لیکن گزشتہ دو دنوں سے سوشل میڈیا پر گردش کرنے والے ایک آڈیو کلپ نے ایک بار پھر عبدالستار کو سرخیوں میں لایا ہے۔ آڈیو کلپ میں عبدالستار  کو ایک نوجوان کیساتھ گالی گلوچ کرتے ہوئے سنا گیا ہے جس نے پوچھا کہ اس نے بغاوت کے لیے بی جے پی سے کتنے پیسے لیے ہیں۔؟

یہ بھی پڑھیں :......... پلٹزر ایوارڈ یافتہ کشمیری فوٹو جرنلسٹ کو بیرون ملک سفر سے روکا گیا 
* آڈیو کلپ میں کیا ہے؟*
تفصیلات کے مطابق فارس قادری نامی نوجوان نے عبدالستار کو فون کیا اور پوچھا کہ آپ کیسے ہیں؟ اس کے بعد جب ان سے پوچھا گیا کہ وہ اب کہاں ہیں تو عبدالستار نے کہا کہ وہ گوا میں ہیں۔ بعد میں اس نوجوان نے پوچھا کہ پارٹی سارٹھی ٹھیک چل رہی ہے اور پوچھا کہ اس نے بی جے پی سے کتنے پیسے لیے۔ بس پھر کیا تھا عبدالستار مشتعل ہوگئے اور غصہ سے بپھرے عبدالستار نے نوجوان کو سیدھا گالیاں دینا شروع کر دیں۔ جس پر نوجوان نے بھی عبدالستار کو جواب دیا ۔ان تمام گفتگو کا ایک آڈیو کلپ اس وقت سوشل میڈیا پر کافی وائرل ہو رہا ہے۔ اس کلپ کے حوالے سے اے پی پی نیوز چینل نے بھی خبر نشر کی ہے۔ویسے اس آڈیو کلپ کو فارس قادری نے اپنے یوٹیوب پر اپلوڈ کر وائرل کردی ہے ۔اس سے قبل فارس قادری نے مالیگاؤں کے رکن اسمبلی مفتی اسماعیل سمیت مجلس صدر اویسی اور دیگر عوامی نمائندوں سے فون پر بھی گفتگو کی اور اسے بھی کئی بار وائرل کیا ہے ۔
*عبدالستار کو وزارتی عہدہ ملنے کا امکان*
 عبدالستار جو کبھی کانگریس کے وفادار لیڈر کے طور پر جانے جاتے تھے، نے 2019 کے اسمبلی انتخابات سے پہلے شیو بندھن باندھ لیا تھا۔ اس کے بعد ریاست میں مہاوکاس اگھاڑی کی حکومت آئی اور عبدالستار کو ریاستی وزیر برائے ریونیو کے عہدے کی ذمہ داری ملی۔  تاہم، ایکناتھ شندے کی بغاوت کی وجہ سے ٹھاکرے حکومت گر گئی۔  لیکن بات یہ ہے کہ شندے کے گروپ کی قیادت کرنے والے عبدالستار کو ایک بار پھر وزارت کا عہدہ ملنے کا امکان ہے ۔
*عبدالستار کے حلقے میں جوش و خروش*
ایکناتھ شندے کے چیف منسٹر کے طور پر حلف لینے کے بعد عبدالستار کے سلوڈ حلقہ میں ان کے حامیوں نے ریلی نکال کر بڑے جوش و خروش کیساتھ جشن منایا۔