مہاراشٹر سیاسی بحران : آج کی مکمل اپڈیٹ مختصراً

*فلور ٹیسٹ، دیویندر فڑنویس دہلی روانہ، بی جے پی باغی اراکین اسمبلی کےساتھ حکومت بنانے کیلئے سنجیدہ، 5 بجے ادھو کابینہ کی میٹنگ..........*

*بی جے پی مہاراشٹر میں فلور ٹیسٹ کا مطالبہ نہیں کرے گی۔ اس کے ساتھ یہ بھی کہا گیا ہے کہ اگر باغیوں کی جانب سے حکومت سازی کی پیشکش ہوئی تو اس پر غور کیا جائے گا۔

*مہاراشٹر کا سیاسی بحران ایک نئے موڈ پر آ گیا ہے۔ گورنر بھگت سنگھ کوشیاری نے مہاراشٹر حکومت کے اندھا دھند فیصلے پر جواب طلب کیا ہے۔ گورنر نے 22، 23 اور 24 جون کو لئے گئے فیصلوں اور نمٹا دی گئی فائلوں کے بارے میں معلومات طلب کی ہے۔ ذرائع کے مطابق ان تین دنوں میں ادھو حکومت نے 200 سے زیادہ فائلوں کو نمٹا دیا ہے اور سرکاری تجاویز جاری کی ہیں۔

*بی جے پی لیڈر پروین دریکر نے گورنر کو ایک خط لکھ کر شکایت کی تھی کہ ادھو حکومت نے عدم استحکام اور بغاوت کے درمیان بہت سی فائلوں کو جلد بازی میں نمٹا دیا ہے۔ 24 جون کو پروین دریکر نے گورنر سے شکایت کی اور 24 جون کو گورنر کے پرنسپل سکریٹری نے چیف سکریٹری کو خط لکھ کر ان کا جواب مانگا تھا۔

*سنجے راوت کو آج ای ڈی نے پوچھ گچھ کے لیے طلب کیا تھا۔ لیکن وہ تفتیش کیلئے حاضر ہونے کی بجائے علی باغ میں جلسہ عام سے خطاب کرنے جارہے ہیں۔ دریں اثنا، آج تک کے ساتھ بات چیت میں، انہوں نے کہا کہ میں ایک پروگرام کے لئے علی باغ جارہا ہوں. میں ایم پی ہوں اور قانون کا احترام کرتا ہوں۔ ای ڈی مجھے کہیں سے بھی گرفتار کر سکتی ہے۔

*شیوسینا کے باغی ایم ایل اے بھارتیہ جنتا پارٹی کی مدد سے مہاراشٹر میں حکومت بنا سکتے ہیں۔ اس میں شندے کو ڈپٹی وزیراعلیٰ بنایا جا سکتا ہے۔ اس کے ساتھ ہی شندے گروپ کے ایم ایل ایز میں سے 8 کو کابینہ وزیر اور 5 کو ایم او ایس کا درجہ مل سکتا ہے۔ اس کے ساتھ ہی 29 کابینی وزیر بی جے پی سے ہوں گے۔

*شندے گروپ کے ساتھ موجودہ حکومت کے 8 وزراء ہیں۔ ایسے میں شنڈے کا گروپ وہی وزارت چاہتا ہے جو ان ایم ایل ایز کے پاس پہلے سے تھا کیونکہ پچھلے ایک مہینے میں ان کے جو فیصلے لئے گئے تھے انہیں ادھو حکومت نے روک دیا ہے۔ ایکناتھ شندے چاہتے ہیں کہ باغی اراکین اسمبلی کے ساتھ آنے والے آزاد اراکین اسمبلی کو بی جے پی اپنے کوٹے سے وزیر بنائے۔

*وزیراعلیٰ ادھو ٹھاکرے نے آج دوپہر 2.30 بجے مہاراشٹر میں کابینہ کی میٹنگ بلائی ہے۔ دوسری طرف اطلاعات سامنے آ رہی ہیں کہ اگر گورنر حکومت سے فلور ٹیسٹ کے لیے کہتے ہیں تو شیوسینا سپریم کورٹ سے رجوع کر سکتی ہے۔

*شیوسینا کے تعلقات عامہ کے سربراہ ہرشل پردھان نے ان باتوں کی تردید کی ہے جن میں کہا جا رہا تھا کہ ادھو ٹھاکرے نے حکومت بچانے کے لیے دیویندر فڑنویس سے بات کی ہے۔

*مہاراشٹر کے سیاسی بحران کو لے کر ہلچل تیز ہوگئی ہے۔ شندے گروپ نے دوپہر ایک بجے گوہاٹی میں میٹنگ کی۔ دوسری طرف دیویندر فڑنویس ممبئی سے دہلی کے لیے روانہ ہو گئے ہیں۔ یہ بھی کہا جا رہا ہے کہ ایکناتھ شندے بھی دہلی روانہ ہو سکتے ہیں۔ یعنی دہلی میں دیویندر فڑنویس اور شندے کے درمیان بڑی میٹنگ ہو سکتی ہے۔

*ایکناتھ شندے آج ریڈیسن بلو ہوٹل کے مین گیٹ پر آئے اور میڈیا والوں سے بات کی۔ انہوں نے کہا کہ ہم شیوسینا میں ہیں اور الگ پارٹی بنانے والے نہیں ہیں۔ شندے نے کہا کہ وہ بالا صاحب کے ہندوتوا کو آگے لے جا رہے ہیں۔ انہوں نے کہا کہ دیپک کیسرکر ان کے ترجمان ہیں۔
 شندے نے کہا کہ ان لوگوں کا اگلا قدم کیا ہوگا، اس کی اطلاع جلد ہی دی جائے گی۔ انہوں نے یہ بھی کہا کہ ہم جلد ہی ممبئی جائیں گے۔ شندے نے دعویٰ کیا کہ ان کے ساتھ کل 48 ایم ایل اے ہیں۔

*مہاراشٹر میں ہونے والی کابینی میٹنگ اب شام 5 بجے ہوگی۔ پہلے یہ میٹنگ دوپہر 2.30 بجے ہونی تھی۔ دوسری طرف دیویندر فڑنویس ممبئی سے دہلی پہنچ گئے ہیں۔

*ایکناتھ شندے آج دہلی نہیں جا رہے ہیں۔ پہلے یہ خبریں آئی تھیں کہ وہ دہلی جا سکتے ہیں اور وہاں وہ بی جے پی لیڈر دیویندر فڑنویس سے مل سکتے ہیں۔  آج فڑنویس جے پی نڈا اور بی ایل سنتوش سے ملاقات کریں گے۔ امیت شاہ سے بھی ان کی ملاقات ہو سکتی ہے۔