مجلس سربراہ اسدالدین اویسی پر جان لیوا حملہ

اترپردیش میں انتخابی مہم کے دوران اسدالدین اویسی کی کار پر 4 روانڈ فائرنگ، اویسی محفوظ

اترپردیش میں انتخابی مہم کے دوران آل انڈیا مجلس اتحاد المسلمین کے سربراہ رکن پارلیمان اسد الدین اویسی پر جان لیوا حملہ ہوا ہے۔اسد الدین اویسی جمعرات کی دوپہر میرٹھ میں انتخابی پروگرام کے بعد دہلی کے لیے روانہ ہو رہے تھے۔ چھجرسی ٹول پلازہ کے قریب 2 لوگوں نے ان کی گاڑی پر 3-4 راؤنڈ فائر کیے،بتایاجارہاہے کہ حملہ آورتین یا چار افرادتھے ، حالانکہ اسد الدین اویسی اور ان کے ساتھی محفوظ ہیں، ان کی گاڑی پنکچر ہے اور وہ دوسری کار میں دہلی کے لیے روانہ ہوئے۔

یہ بھی پڑھیں:۔۔۔پرمبیر سنگھ کا ادھو ٹھاکرے پر سنگین الزامgation-Against-Maharashtra-CM-Udhav-Thackeray.html

اس سلسلے میں اسدالدین اویسی نے ٹوئٹرپرٹوئیٹ کرکے اطلاع دی تھی کہ کچھ دیر قبل چھجرسی ٹول گیٹ پر میری گاڑی پر گولیاں چلائی گئی تھیں۔ 4 راؤنڈ فائر کئے۔ وہاں 3-4 لوگ تھے، سب بھاگ گئے اور ہتھیار وہیں چھوڑ گئے۔ میری گاڑی پنکچر ہو گئی، لیکن میں دوسری گاڑی میں بیٹھ کر چلا گیا۔ ہم سب محفوظ ہیں۔