ہر کسی کو تحفظ ملنا چاہیے،اسدالدین اویسی پر ہوئے حملے پر یوگی آدتیہ ناتھ کا ردعمل

ہم جمہوریت میں بیلیٹ پر اعتماد کرتے ہیں بلیٹ پر نہیں، ہم میں نظریاتی اختلافات ہوسکتے ہیں لیکن سکیورٹی سے کھلواڑ کرنے کی کسی کو اجازت نہیں

 آل انڈیا مجلس اتحادالمسلمین سربراہ اسدالدین اویسی کی گاڑی پر ہوئے حملے پر ردعمل ظاہر کرتے ہوئے اترپردیش کے وزیر اعلیٰ یوگی آدتیہ ناتھ نے کہا کہ ہم جمہوریت میں بیلیٹ پر اعتماد کرتے ہیں، بُلیٹ پر نہیں۔ اس طرح کا کوئی بھی حادثہ قابل قبول نہیں ہے۔ اسٹیج پر ان کی اپنی تقریر ہوگی اور میری اپنی تقریر ہوگی۔ نظریاتی طور پر ہمارے اختلافات ہو سکتے ہیں، لیکن اس طرح سے سیکورٹی سے کھلواڑ کرنے کی کسی کو اجازت نہیں دی جاسکتی ہے۔

یہ بھی پڑھیں:۔۔۔سپریا سولے اور پنکجا منڈے شراب پیتی ہیں؟۔۔۔بنڈا تاتیہ کا متنازعہ بیان-Religious-Leader.html

یوگی آدتیہ ناتھ نے کہا کہ میں سبھی سیاسی جماعتوں کے لیڈروں سے اپیل کروں گا کہ اسٹیج سے تقریر کرتے ہوئے اس بات کا خیال رکھیں کہ ہر طبقے کے جذبات کا احترام ہونا چاہئے۔ ہم ووٹ بینک کے لئے عقائد کے ساتھ کھلواڑ کرنے اور عوامی جذبات کو کچلنے کی کوشش ہرگز نہ کریں۔ کیونکہ اس کا ردعمل دیکھنے کو ملتا ہے۔ انہوں نے ایک سوال کے جواب میں کہا کہ ہر لیڈر کو تحفظ ملنا چاہئے۔ انہوں نے مزید کہا کہ اویسی جی کل جس جگہ پرگئے تھے، اس کی ضلعی انتظامیہ کو یا ریاستی حکومت کو پہلے سے کوئی اطلاع نہیں تھی۔ لیکن اس کے بعد بھی اگر کسی نے پروگرام کی اجازت لی ہے تو وہ اپنے آپ میں کافی ہے۔ انہوں نے کہا کہ پولیس نے اس معاملے میں فوری کارروائی بھی کی ہے۔ اسدالدین اویسی کو مسلم ووٹوں کے کتنا بڑا فیکٹر مانتے ہیں؟اس سوال کے جواب میں یوگی آدتیہ ناتھ نے کہا کہ وہ اپنی پارٹی کے لیڈر ہیں، ہر پارٹی کا لیڈر بڑا ہے۔ ہم اسے چھوٹا اور بڑا کرکے نہیں دیکھ سکتے۔

یہ بھی پڑھیں:۔۔۔سعودی عرب میں ماسک نہ پہننے پر ایک لاکھ ریال جرمانہia.html

سماجوادی پارٹی کی طرف سے 85 بنام 15 فیصدی کی بات کئے جانے سے متعلق یوگی آدتیہ ناتھ نے کہا کہ ہم راشٹرواد کی بات کرتے ہیں تو وہ ذات پات کی بات کرتے ہیں۔ ہم ترقی کی بات کرتے ہیں تو وہ خوشنودی کی بات کرتے ہیں۔ جب ہم غریب کی بات کرتے ہیں تو وہ پریوار واد کی بات کرتے ہیں۔ سچائی تو یہ ہے کہ نام بھلے ہی سماجوادی ہوگا، سوچ تو پریوار وادی ہے اور کام آج بھی فساد وادی سے ابھر نہیں پایا ہے۔ یہ صوبے کا بچہ بچہ جانتا ہے۔ جن لوگوں کی سوچ کبھی  پریوار وادی سے اوپر نہیں اٹھ سکی ان لوگوں سے اوبی سی اور درج فہرست ذات کی فلاح وبہبود یا سماجی ہم آہنگی کی بات کرنا فضول ہے۔