حمیدیہ اسپتال، کملا نہرو بلڈنگ میں ہولناک آتشزدگی، سات بچے جھلس گئے

سلینڈر یا وینٹیلیٹر میں دھماکہ کے خدشات ظاہر کئے جارہے ہیں، وزیراعلی شیوراج سنگھ چوہان نے رپورٹ طلب کی

بھوپال کے حمیدیہ اسپتال کیمپس میں پیر کی شب تقریبا رات 9 بجے آگ لگ گئی۔اطلاعات کے مطابق اسپتال کی کملا نہرو بلڈنگ کے پیڈیاٹرک وارڈ میں آگ لگی ہے۔اس حادثے میں 7 بچوں کے جھسلنے کی اطلاع ہے۔تادمِ تحریر آگ لگنے کی وجوہات معلوم نہیں ہوسکیں۔ فائر بریگیڈ عملہ اور پولیس افسران موقع پر موجود ہیں، راحت رسانی کا کام جاری ہے۔

یہ بھی پڑھیں:۔۔۔آٹھ روزہ اصلاح معاشرہ اجتماعات بعنوان مسلم امّہ کے نوجوانوں کی ذمہ داریاںml

بتایا جارہا ہے کہ بچوں کے جس وارڈ میں آگ لگی ہے اس وارڈ کو نئی بلڈنگ میں منتقل کیا جانا تھا ، لیکن اس سے قبل ہی مذکورہ حادثہ پیش آگیا۔کئی لوگوں کو عمارت سے نکال کر دوسروں اسپتالوں میں منتقل کیا جارہا ہے۔ بچوں کے اہل خانہ کو عمارت میں داخل ہونے کی اجازت نہیں دی جارہی ہے ایسے میں افراتفری مچی ہوئی ہے۔

یہ بھی پڑھیں ۔۔۔تریپورہ معاملہ: تریپورہ اِز برننگ لکھنے والے صحافی پر یو اے پی اے کے تحت نوٹس.html

اس حادثے کی وجوہات سے متعلق مختلف طرح کی باتیں سامنے آرہی ہیں کچھ لوگوں نے سلینڈر یا وینٹیلیٹر میں دھاکے کو آگ لگنے کی وجہ بتایا ہے۔وہیں شارٹ سرکٹ کے خدشات بھی ظاہر کئے جارہے ہیں۔وزیراعلی شیوراج سنگھ چوہان نے اس معاملے میں رپورٹ طلب کی ہے۔ اس کے علاوہ اسپتال انتظامیہ کو بچوں کی حفاظت اور بہتر علاج کی ہدایت دی ہے۔

وزیر وشواس سارنگ اور ڈی آئی جی ارشاد ولی بھی موقع پر پہنچے۔ ڈاکٹروں کو ایک ٹیم کو بھی اسپتال بلایا گیا ہے۔فائر بریگیڈ افسر عارف نے بتایا کہ آگ بجھانے کیلئے فتح گڑھ، بیرا گڑھ، پُل بوگدا سمیت دوسرے فائر اسٹیشنوں سے 8 گاڑیاں بلائی گئیں۔ دھواں زیادہ ہونے کے سبب راحت رسانی میں کافی دقتوں کا سامنا کرنا پڑا۔