کسمبا روڈ ملن ہوٹل کے قریب قاتلانہ حملہ میں نوجوان کی موت

 لاش سول اسپتال روانہ، پوسٹ مارٹم کے بعد لاش اہل خانہ کے حوالے کی جائے گی، قانونی کارروائی جاری، پولیس تفتیش میں مصروف

مالیگاؤں: کسمبا روڈ ملن ہوٹل کے قریب پان دکان چلانے والے ایک 32 سالہ نوجوان پر قاتلانہ حملہ کیا گیا۔ جس میں نوجوان کی موت واقع ہوگئی۔اطلاعات کے مطابق متوفی شیخ ابرار شیخ کلیم ملن ہوٹل کے قریب پان دکان چلاتا تھا۔آج شام قریب 7 بجے رمضان پورہ پولیس اسٹیشن کی حدود میں اس نوجوان پر قاتلانہ حملہ کیا گیا جس میں نوجوان کی موت ہوگئی۔لاش سول اسپتال میں لائی گئی ہے، قانونی کارروائی جاری ہے۔پوسٹ مارٹم کے بعد لاش اہل خانہ کے حوالے کردی جائے گی۔اطلاعات کے مطابق مقتول اور قاتل کا کسی بات پر طویل عرصے سے تنازعہ جاری تھا۔اس تنازعہ کو قتل کی اہم وجہ بتایا جارہا ہے۔

یہ بھی پڑھیں:۔۔۔۔نعیم سلیم سر کی تحریر "پریس" ، مالیگاؤں کے صحافیوں کیلئے دعوت فکر

 تادمِ تحریر قاتل کی شناخت نہیں ہوسکی ہے۔ پولیس اس معاملے میں مزید تفتیش کررہی ہے۔