مالیگاؤں: عیدالاضحی کے پیش نظر پولیس انتظامیہ کی جانب سے گائیڈ لائن جاری

پولیس کنٹرول روم میں مقامی پولیس انتظامیہ، دیگر محکموں اور امن کمیٹی کے ذمہ داران کی مشترکہ میٹنگ، گائید لائن کے مطاطق عیدالضحی منانے کی اپیل

مالیگاؤں: عیدالضحی کے پیش نظر پولیس کنٹرول روم میں آج ایک میأنگ کا انعقاد کیا گیا جس میں پولیس انتظامیہ، دیگر محکموں اور امن کمیٹی کے ذمہ داران نے شرکت کی۔اس وقت ساری دنیا کورونا وباء کے خوف و دہشت سے باہر آنے کی کوشش کررہی ہے۔تقریبا ابھی بھی دنیا کے اکثر وبیشتر ممالک میں بے چینی اور اضطراب کا عالم ہے۔عیدالاضحی کے تعلق سے حکومت کی جانب سے ایک بار پھر عوامی تقریبات پر وقتی طور پر پابندی عائد کردی ہے۔گزشتہ سال جیسے حالات پیدا ہوگئے ہیں۔حالات کے پیش نظر قربانی کرنا بھی دشوار ترین مرحلہ بنا ہوا ہے، عیدالضحی مسلمانوں کا دوسرا بڑا تہوار ہے اور قربانی ایک اہم فریضہ ہے۔اس کے پس منظر میں حکومت مہاراشٹر نے عیدالاضحی اور سبھی عوامی تقریبات کے لئے گائیڈ لائن مرتب کی ہے۔اس سلسلے میں مقامی پولیس انتظامیہ اور دیگر محکموں کے ساتھ امن کمیٹی کے ذمہ داران نے عیدالاضحی کے متعلق مختلف امور پر بات کی اور مسائل دریافت کئے۔امن کمیٹی کے ذمہ داران نے پولیس انتظامیہ کے اعلیٰ افسران اور کارپوریشن و دیگر محکموں کے سامنے اس بات پر روشنی ڈالی کہ شریعت کے مطابق نمازعیدالاضحی اور سنت ابراھیمی ادا کرنے کا اہتمام کیا جاتا ہے۔ اس تعلق سے ایڈیشنل ایس پی چندر کانت کھانڈوی نے عوام سے اپیل کی کہ ریاستی حکومت اور مقامی انتظامیہ کی جانب سے جاری گائیڈ لائن اور ہدایات پر عمل کرتے ہوئے نمازعیدالاضحی اپنے گھروں میں ہی ادا کریں اور قربانی کا فریضہ میں گائیڈ لائن کو مد نظر رکھتے ہوئے سادگی سے انجام دیں۔ صفائی کا خاص خیال رکھیں۔ انہوں نے کہا کہ عیدالاضحی کے موقع پر سوشل ڈسٹینسنگ قائم کرکے صفائی رکھ کر اور قربانی کے بعد جانوروں کی آلائش وغیرہ رہائشی علاقوں سے باہر لے جاکر پھینکنے کا نظم کرکے تمام مسلمان پولیس انتظامیہ کے ساتھ تعاون کریں۔چندر کانت کھانڈوی نے کہا کہ ایسے میں پولیس انتظامیہ کی جانب سے اضافی بندوست اور شہر کے 12 اہم مقامات پر پولیس کی ناکہ بندی کردی گئی ہے۔ غیر قانونی طریقے سے ممنوعہ جانوروں کی خریدار و فروخت کرنے والے افراد پر مویشی ایکٹ 1960 اور 2015 قلم کے تحت سخت کارروائی کئے جانے کا انتباہ دیا۔اس ضمن میں امن کمیٹی کے رکن افتخار پہلوان نے بتایا ہے کہ کورونا کے ماحول میں عیدالاضحی کی نماز مساجد یا گھروں میں ہی ادا کریں۔انہوں نے یقین دہانی کراتے ہوئے کہا کہ عیدقربان امن اور سکون کے علاوہ جاری گائیڈ لائن کے ساتھ منانے میں افسران اور انتظامیہ کا مکمل تعاون کیا جائے گا۔پولیس انتظامیہ نے تمام محکموں کو اپنی ذمہ داریاں احسن طریقے سے انجام دینے کی ہدایت دی ہے۔