کروڑوں کا نقصان ہونے کا اندیشہ، مالیگاؤں فائربریگیڈکی بروقت امداد سے آگ پر قابو پایا گیا 
مالیگاؤں: ناسک ضلع کے مالیگاؤں تعلقہ چاندوڑ، ممبئی شاہراہ سے قریب واقع مودی کامپلیکس (کووڈ سینٹر) میں گزشتہ کل اچانک شارٹ سرکٹ کے سبب بھیانک آتشزدگی کا واقعہ پیش آیا۔مودی کامپلیکس کے بالائی حصّے میں کووڈ  سینٹر بنایا گیا ہے اسی بلڈنگ کے 
 بیسمنٹ اور گراؤنڈ فلور پر واقع دتاتریا گائکواڑ کے مونگیری فرنیچر گودام اور ویبھوگانگورڈے کی ہوٹل رن وے میں اچانک شارٹ سرکٹ کے سبب آگ لگ گئی۔جس میں کروڑوں روپے مالیت کے نقصان کا اندازہ لگایا گیا ہے۔
موصولہ اطلاعات کے مطابق فائر بریگیڈ محکمے کے افسر سنجے پوار نے نمائندے کو فون پر تفصیلات فراہم کرتے ہوئے بتایا کہ گزشتہ کل انہیں تحصیلدار کی جانب سے آگ لگنے کی اطلاع موصول ہوئی۔اطلاع ملتے ہی وہ مالیگاؤں فائر بریگیڈ محکمے کے شکیل تیراک اور تین ماندھن فائر مین اور 2 ماندھن ڈرائیور پر مشتمل ایک ٹیم کے ساتھ چاندوڑ کیلئے روانہ ہوگئے۔
واضح رہے کہ جائے حادثے پر پہلے سے ہی فائر بریگیڈ کی کچھ گاڑیاں آگ پر قابو پانے کی کوشش کررہی تھی۔تب مالیگاؤں فائر بریگیڈ گاڑیوں کی فوری مدد سے آگ پر قابو پانے میں کامیابی حاصل ہوئی۔اس درمیان گودام اور دکان میں رکھا ٹی وی، فرنیچر سمیت سبھی قیمتی اشیاء جل کر خاک ہوگئی جس میں کروڑوں روپے کے نقصان کا اندازہ لگایا گیا ہے۔


 

Axact

TRV

The Name you Know the News you Need

Post A Comment:

0 comments: