مالیگاؤں:دومنہ والا سانپ برآمد،تین نوجوان گرفتار

 

 اسٹار ہوٹل پر خرید وفروخت کی خفیہ اطلاع کی بنا پر فاریسٹ محکمہ کی کارروائی،چار افراد فرار

مالیگاؤں مقامی محکمہ فاریسٹ کے اہلکاروں نے گزشتہ روز دومنہ والے سانپ سمیت تین نوجوانوں کو حراست میں لیا۔ مقامی محکمہ فاریسٹ کے آفیسر وکاس کامبلے نے بتایا کہ شولاپور جنگلی جانور کے جرائم کنٹرول بیورو کے رکن روہین بھاٹے نے ضلع ناسک کے ریجنل فاریسٹ آفیسر کو خفیہ معلومات کی بنیاد پر اطلاع دی کہ قومی شاہراہ نمبر 3 کے قریب واقع اسٹار ہوٹل میں دو منہ والے سانپ کی خریدوفروخت ہونے والی ہے۔اس سلسلے میں مقامی آفیسر وکاس کامبلے نے بناوٹی خریدار کو جائے موقع پر روانہ کیا۔

لیکن متعلقہ کو اس بات کا شکا ہوگیا جس کی وجہ سے لین دین نہیں ہوسکا۔اس ضمن میں وکاس کامبلے نے درمیان کے رابطہ کار سے لین دین کے تعلق سے بات چیت کی تب اس بات کی اطلاع ملی کہ سانپ رکھنے والوں نے تعلقہ کرجگوان کے راستے پر مہوبامندر کے پاس سانپ کی لین دین کی بات کی ہے۔معلومات کے مطابق محکمہ فاریسٹ کے اہلکاروں نے اس مقام پر چھاپہ مار کارروائی کرتے ہوئے بیگ میں رکھے دو منہ والے سانپ سمیت تین مشتبہ نوجوانوں کو حراست میں لے لیا۔اور ان سے پوچھ تاچھ جاری بے واضح رہے کہ اس معاملے میں چار افراد فرار بتائیے جارہے۔