نوبل انعام یافتہ ملالہ یوسف زئی کا شادی سے متعلق متنازع بیان، لوگوں میں شدید ناراضگی

 

نوبل انعام یافتہ پاکستانی طالبہ ملالہ کا شادی سے متعلق متنازع بیان، لوگوں میں شدید ناراضگی، اداکارہ متھیرا اور وینا ملک کا ردعمل

کراچی: نوبل انعام یافتہ پاکستانی طالبہ ملالہ کا شادی سے متعلق دیا گیا بیان ٹوئٹر پر ٹرینڈ کررہا تھا۔ ملالہ کے اس متنازعہ بیان کے بعد پاکستان میں کافی غم و غصہ اور ناراضگی کا اظہار کیا گیا۔پاکستان کے عوام اور سیاستدانوں نے ملالہ کے اس بیان کو خطرناک بتایا کیونکہ پاکستان میں 25 سال کی عمر کی 86 فیصد خواتین شادی شدہ ہیں۔ووگ کو دیئے گئے ایک انٹرویو کے دوران جب ملالہ سے شادی سے متعلق سوال کیا گیا تو اس نے کہا کہ مجھے اب تک سمجھ نہیں آیا کہ لوگ شادی کیوں کرتے ہیں؟ اگر آپ اپنی زندگی میں کسی کی شراکت چاہتے ہوتو شادی کے کاغذات پر دستخط کرنے کی کیا ضرورت ہے؟ یہ صرف ایک پارٹنرشپ کیوں نہیں ہوسکتی؟ ملالہ کے اس بیان سے پاکستان کے مذہبی و سیاسی رہنماؤں میں کافی بے چینی ہے۔انہوں نے کہا کہ کسی بھی مذہب میں اس طرح کی پارٹنرشپ کی اجازت نہیں ہے۔ پاکستان کے صوبہ خیبر پختونخوا کے ضلع لکی مروت میں ایک مذہبی رہنما کو نوبل انعام یافتہ ملالہ کے شادی سے متعلق بیان پر دھمکی دینے اور تشدد بھڑکانے کے الزام میں گرفتار کیا گیا تھا۔

گزشتہ روز فیشن میگزین ووگ کی ویب سائٹ پر ملالہ یوسف زئی کا انٹرویو پبلش ہوا تھا جس میں انہوں نے شادی سے متعلق اپنے خیالات کا اظہار کیا تھا۔ ووگ میگزین کے مطابق ملالہ یوسفزئی نے کہا تھا مجھے اب بھی سمجھ نہیں آتا کہ لوگ شادی کیوں کرتے ہیں۔ اگر آپ اپنی زندگی میں کسی شخص کا ساتھ چاہتے ہیں تو آپ کو شادی کے کاغذات (نکاح کے کاغذات) پر دستخط کرنے کی کیا ضرورت ہے۔ کیوں یہ ساتھ صرف پارٹنرشپ پر مشتمل نہیں ہوسکتا؟۔‘ملالہ یوسفزئی کے اس بیان پر لوگوں میں شدید غم و غصہ پایا جارہا ہے اور لوگ تمام سوشل میڈیا نیٹ ورکس پر اس بیان سے متعلق اپنی اپنی رائے دے رہے ہیں۔ ٹوئٹر پرتو ملالہ ٹاپ ٹرینڈ بنی ہوئی ہیں۔

اداکارہ متھیرا کو ملالہ یوسفزئی کا بیان پسند نہیں آیا۔ انہوں نے ملالہ پر تنقید تو نہیں کی لیکن اپنی طویل انسٹااسٹوری میں نکاح اور شادی کی اہمیت پر زور دیا ہے۔ تاہم اداکارہ وینا ملک ملالہ کے اس بیان پر کافی غصہ میں نظر آئیں انہوں نے ٹوئٹر پر اپنے غصے کا اظہار بھی کیا۔سوشل میڈیا صارفین بھی ملالہ کے اس بیان پر برہم ہیں۔ لوگوں نے ملالہ کے خیالات اور لباس پر طنز کرتے ہوئے انہیں منافق قرار دیا۔کومل انصاری نامی خاتون صارف نے لکھا متھیرا اسلام اور نکاح کی اہمیت کے متعلق ملالہ سے زیادہ بہتر جانتی ہے۔ایک اور صارف نے کہا اب سے میرے لیے متھیرا ملالہ سے زیادہ قابل عزت ہے۔ایک صارف نے لکھا 2012 میں لگنے والی گولی نے ملالہ کے دماغ پر 2021 میں اثر کیا ہے۔