نبی کریمؐ کی ذات مبارکہ پر نازیبا الفاظ کہنے والے مہنت نرسنگھانند سوامی کے خلاف احتجاج کے دوران لاک ڈاؤن کی خلاف ورزی کرنے پرمقدمہ درج
مالیگاؤں: پولیس کنٹرول روم سے موصول تفصیلات کے مطابق ریاستی حکومت نے کورونا وائرس کے چلتے ریاست بھر میں لاک ڈاؤن اور دفعہ 144 نافذ کرنے کے احکامات جاری کیے ہیں۔ایسے میں مسلم اکثریتی شہر مالیگاؤں میں سنی تنظیموں سے وابستہ افراد نے آگرہ روڈ پر نبی کریمؐ کی ذات مبارکہ پر نازیبا الفاظ کہنے والے مہنت نرسنگھانند سوامی کے خلاف احتجاج کیا۔ اس احتجاج میں شامل لوگوں کا مطالبہ تھا کہ ملکی آئین کی خلاف ورزی کرنے پر نرسنگھانند سرسوتی کو سخت سے سخت سزا دی جائے۔لاک ڈاؤن کے خلاف ورزی کرنے پر سٹی پولیس عملہ کے رکن پولیس سپاہی بلہ نمبر 1955 ویلاس رمش سورونشی کی شکایت پر سنی جمعیت علماء کے ذمہ دار یوسف الیاس, ڈاکٹر رئیس رضوی, عمران رضوی سمیت 25 افراد پر دفعہ 188 / 269 / 270 / 56 / 3 / 4 / 5/ 218 / 2021 کے تحت مقدمہ درج کیا گیا ہے۔
Post A Comment:
0 comments: