مسلم اکثریتی شہر کی شناخت رکھنے والے شہر مالیگاؤں میں پولیس کنٹرول روم سے ملی تفصیلات کے مطابق ریاستی حکومت نے کورونا وائرس کے چلتے ریاست بھر میں لاک ڈاؤن نافذ اور دفعہ 144 کے احکامات جاری کیے ہیں۔حکومت کی نئی گائیڈ لائن کے تناظر میں پولیس انتظامیہ سختی سے عمل کرتے ہوئے چھوٹا موٹا کاروبار کرنے والوں کی دکانیں بند کر رہی ہے۔ جس کی وجہ سے شہر کی معاشی حالت دن بہ دن بگڑتے جا رہی ہیں۔ایسے حالات کو دیکھتے ہوئے مقامی کانگریس پارٹی کے صدر شیخ رشید اور جنتادل سیکولر کے جنرل سیکریٹری محمد مستقیم کی جانب سے لاک ڈاؤن کے خلاف احتجاج کیا گیا۔حکومت کی گائیڈ لائن کے خلاف ورزی کرنے پر سٹی پولیس نے سپاہی ویلاس رمیش سوریہ ونشی کی شکایت پر مقامی کانگریس پارٹی کے صدر شیخ رشید اور جنتادل سیکولر کے جنرل سیکریٹری محمد مستقیم سمیت کل 135 لوگوں کے خلاف قلم 166/188/270/269 کے تحت مقدمہ درج کرلیا ہے۔
Post A Comment:
0 comments: