مالیگاؤں میونسپل کارپوریشن افسر رشوت لیتے ہوئے رنگے ہاتھوں گرفتار

 

اینٹی کرپشن بیورو کی کارروائی، 3000 روپے رشوت لیتے ہوئے رنگے ہاتھوں گرفتار، تفتیش جاری

مالیگاؤں: میونسپل کارپوریشن پربھاگ 4 کے اعلی افسر پنکج سنونے کو اینٹی کرپشن بیورو نے رشوت لیتےہوئے رنگے ہاتھوں گرفتار کیا ہے۔یہ کارروائی آج شام قریب 5 بجے اینٹی کرپشن بیورو کے ذریعے انجام دی گئی۔اطلاعات کے مطابق شبیر نگر ناندیڑی اسکول میں واقع کارپوریشن پربھاگ 4 میں دوپہر کے قریب ۵ بجے ہنگامہ برپاہوگیا جب پربھاگ کے ایک افسر پنکج سنونے کو شیخ فہیم جاگیر ساکن رونق آباد کے ہاتھوں کسی کام کیلئے رشوت لیتے ہوئے اینٹی کرپشن بیورو نے انہیں رنگے ہاتھوں گرفتار کرلیا۔اطلاعات کے مطابق کچھ ماہ قبل رونق آباد کے سابق کارپوریٹر شیخ ندیم فٹر نے مذکورہ پربھاگ اور افسر پر صحیح طریقے سے کام نہ کرنے پر سوال اٹھایا تھا۔جس کے بعد پنکج سنونے نے سرکاری عہدہ کا فائدہ اٹھاتے ہوئے شیخ ندیم سمیت کئی نوجوانوں کے خلاف دفعہ 353 کے تحت فریاد درج کرائی تھی۔نامہ نگار منصور اکبر نے بتایا کہ میونسپل کارپوریش پربھاگ 4 کے پربھاگ افسر اور نگر سچیو کے عہدوں پر کام کرنے والے پنکج سنونے کو آج اینٹی کرپشن بیورو نے 3000 ہزار روپئے رشوت لیتے ہوئے رنگے ہاتھوں گرفتار کیا ہے۔اس تعلق سے رونق آباد کے 26 سالہ ساکن فہیم جاگیردار نے شکایت درج کروائی تھی کہ پربھاگ نمبر 4 میں میڈیکل اسٹور جاری کرنے کیلئے ممظوری دینے کیلئے پنکج سنونے سے گزشتہ 3 ماہ سے درخواست کی جارہی تھی لیکن وہ 10 ہزار روپے رشوت مانگ رہے تھے۔تب علیم جاگیر دار نے چار روز قبل اینٹی کرپشن بیورو سے رابطہ کیا، آج صبح 11 بجے ناسک اینٹی کرپشن بیورو کے چیف کی سربراہی میں چار افسران کی ایک ٹیم مالیگاؤں پہنچی اور میونسپل کارپوریشن میں نگر سچیو دفتر میں پنکج سنونے کو 3000 ہزار روپے رشوت لیتے ہوئے رنگے ہاتھوں گرفتار کرلیا۔