مسجد بنی عقیل و کلیتہ الطاہرات کے پاس گٹر کے پانی سے ساکنین پریشان، وفد کی ڈپیٹی کمشنر سے ملاقات

 

مدرسہ کلیتہ الطاہرات کے آگے تعمیر شدہ آر سی سی نالہ جاری کرنے مطالبہ، ڈپیٹی کمشنر نے جلد ہی مثبت اقدامات کی یقی  دہانی کرائی

مالیگاؤں : 5 مئی (پریس ریلیز) گزشتہ کئی سالوں سے محلہ باغ قاسم،نئی بستی، رضا پورہ چوک،حسن پورہ اور اطراف رہنے والے افراد انتہائی تکالیف میں مبتلا ہیں۔ان بستیوں کے اطراف رہنے والوں کے گھروں میں بارش کا پانی گھس جاتا ہے۔ نمازیوں کو رضا چوک پر بے انتہا تکالیف کا سامنا کرنا پڑھ رہا ہے ۔سوشل ورکر جمال ناصر و ادارہ ستارہ ہند سوشل اینڈ ویلفیئر ایجوکیشنل سوسائٹی کے ذمہ داران نے جب پربھاگ آفیسر و صفائی ملازمین سے معلومات طلب کی تو معلومات ملی کے یہ نالہ عائشہ نگر،نور باغ،جعفر نگر سے ہوتا ہوا مسجد بنی عقیل کے پاس بنے نالے سے سیدھا باغ قاسم و نئی بستی سے رضا پورہ چوک پر جاتا ہے۔ لیکن مدرسہ کلیتہ الطاہرات کے آگے آر سی سی نالہ بنا ہوا ہے لیکن اسے جاری نہیں کیا گیا۔ وفد میں موجود ادارہ ستارہ ہند سوشل اینڈ ویلفیئر ایجوکیشنل سوسائٹی کے ذمہ داران و جمال ناصر نے ڈپٹی کمشنر راہول پاٹل سے مطالبہ کیا ہے کہ ہمارے مطالبہ پر غور کر کے جلد از جلد جو آر سی سی نالہ بنا ہوا صرف اسے جاری کروا دیں، اس کے اطراف رہنے والوں کو راحت ہو گی تمام باتوں کو سننے کے بعد ڈپٹی کمشنر راہول پاٹل نے یقین دہانی کروائی ہیکہ آفیسران کے ساتھ ایک میٹنگ طئے کر کے جلد ہی اس مسئلہ کو حل کرنے کی کوشش کی جائے گی۔اسطرح کی پریس ریلیز ادارہ ستارہ ہند سوشل اینڈ ویلفیئر ایجوکیشنل سوسائٹی.. گولڈن نگر نے بغرض اشاعت جاری کی ہے ۔