خاتون نے قرنطینہ ہوٹل کو آگ لگا دی

کورنٹائن کئے جانے سے نالاں خاتون نے پہلے ملازمین کو پریشان کیا پھر اپنے بستر کے نیچے آگ لگا دی، کوئی جانی نقصان نہیں، خاتون گرفتار

غیر ملکی خبر رساں ایجنسی کے مطابق ایک خاتون اور اس کے 2 بچوں کو قرنطینہ ہوٹل میں ٹھہرایا گیا تھا۔ جس سے نالاں خاتون نے ہوٹل کو آگ لگا دی، خاتون کو آتش زنی کے الزام میں فوری طور پر گرفتار کرلیا گیا ہے۔ تینوں کو دو ہفتوں کے لیے قرنطینہ میں رہنے کا حکم دیا گیا تھا۔

یہ بھی پڑھیں:۔۔۔مشہور صحافی ونود دووا چل بسے

یہ واقعہ صبح کے وقت پیش آیا تھا جب شمال مشرقی شہر کیرنز میں واقع پیسیفک ہوٹل کی اوپری منزل کو خاتون نے آگ لگائی جسکے نتیجے میں قرنطینہ میں رہ رہے 160 سے زائد افراد کو باہر نکالنا پڑا تاہم کوئی جانی نقصان نہیں ہوا لیکن عمارت کو کافی نقصان پہنچا ہے۔

آسٹریلین میڈیا کے مطابق 31 سالہ خاتون کسی دوسری ریاست سے کوئینز لینڈ آئی تھی لیکن اسے قرنطینہ میں متعینہ  مدت تک رہنے کا حکم دیا گیا تھا جس پر خاتون شدید نالاں تھی۔ قرنطینہ میں کچھ دن گزارنے کے بعد خاتون نے اپنے بستر کے نیچے آگ لگائی۔ جو دیکھتے دیکھتے بھڑک اٹھی۔ قیام کے دوران خاتون نے اپنے رویے سے ملازمین کو پریشان بھی کررکھا تھا۔