راکھی ساونت نے عامر خان کو شادی کی پیشکش کردی

 اداکارہ نے ویڈیو جاری کرکے کہا کہ عامر جی میں کنواری ہوں، آپ میرے بارے میں کیا سوچتے ہیں، یہاں میرا گھر نہیں بس رہا اور لوگوں کی طلاقیں ہورہی ہیں

ممبئی: گذشتہ روز عامر خان اور کرن راؤ کی علیحدگی کی خبروں کے بعد اداکارہ راکھی ساونت نے عامر خان کو شادی کی پیشکش کر دی ہے۔ٹائمز آف انڈیا کی خبر کے مطابق عامر خان اور کرن راؤ میں طلاق ہوجانے کے بعد اداکارہ راکھی ساونت نے میڈیا نمائندوں سے بات کرتے ہوئے کہا کہ یہاں میرا گھر نہیں بس رہا ہے اور لوگوں کی طلاقیں ہورہی ہیں۔راکھی نے کہا کہ آج سے 15 سال قبل میں نے کہا تھا کہ عامر خان نے اپنی پہلی بیوی کو چھوڑ کر کرن راؤ سے شادی کرلی جس میں پر ناخوش ہوں۔راکھی نے مزید کہا کہ لگتا ہے کہ 15 سال بعد عامر نے میری بات کو سنجیدگی سے لیا اور کرن راؤ کو طلاق دے دی۔ادکارہ نے عامر خان کو مخاطب کرتے ہوئے کہا کہ عامر جی آپ اپنی بیوی کو مت چھوڑیئے۔اس پر میڈیا نمائندوں نے کہا کہ عامر خان نے اپنی بیوی کو طلاق دے دی ہے اب کچھ نہیں ہوسکتا۔

راکھی ساونت نے مزید کہا کہ عامر جی میں کنواری ہوں، آپ میرے بارے میں کیا سوچتے ہیں؟میں اس طلاق پر دکھی ہوں، میرا گھر نہیں بس رہا ہے اور لوگوں کی طلاقیں ہورہی ہیں۔مہرے لئے کوئی شوہر ڈھونڈ کر لائے، اس بار میں ضرور شادی کروں گی۔واضح رہے کہ کچھ روز قبل ایک ویب سائٹ کو انٹرویو دیتے ہوئے اداکارہ نے کہا تھا کہ میں بہترین اداکارہ ہوں، لیکن میں اب ایک اچھی بیوی اور ایک اچھی ماں بننا چاہتی ہوں۔

Watch Video on Instagram RAKHI SAWANT