مالیگاؤں: پولیس کنٹرول روم سے ملی تفصیلات کے مطابق ریاستی حکومت نے کورونا وائرس کے چلتے ریاست بھر میں لاک ڈاؤن اور دفعہ 144 کے احکامات جاری کیے ہیں۔حکومت کی نئی گائیڈ لائن کے تناظر میں پولیس انتظامیہ سختی سے عمل کرتے ہوئے چھوٹا موٹا کاروبار کرنے والوں کی دکانیں بند کر رہی ہے۔جس کی وجہ سے شہر کی معاشی حالت دن بہ دن بگڑتے جا رہی ہیں۔اس سلسلے میں گزشتہ دنوں مجلس اتحاد المسلمین کے شمالی مہاراشٹر کے صدر و کارپوریٹر خالد پرویز اور وارڈ نمبر 18 کے کارپوریٹر ماجد حاجی کی جانب سے رکن اسمبلی کی قیادت میں علامتی طور پر احتجاج کیا گیا۔اس معاملے میں سٹی پولیس اسٹیشن میں فریادی پولیس سپاہی ویلاس رمیش سورونشی نے شکایت کی کہ مقامی مجلس اتحاد المسلمین کے کارکنان نے لاک ڈاؤن اور دفعہ 144 کے خلاف ورزی کی اور منہ پر ماسک نہیں لگایا اس کے ساتھ ہی سماجی فاصلے کی خلاف ورزی کے مرتکب ہونے کی صورت حال پر جملہ کل 8 ملزمان کے خلاف قلم 188 / 269 / 270 / 3 / 4 / 5 / 2021 / 197 کے تحت مقدمہ داخل درج کیا ہے۔
Post A Comment:
0 comments: